Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

PD i nxori dokumentin e prokurorisë, çfarë deklaronte Agim Kajmaku para një muaji: Ndryshova vetëm emrin

Politiko 26 Gusht 2019, 12:58

Sot, Partia Demokratike ka publikuar dokumentin e Prokurorisë greke sipas së cilës, Agim Kajmaku, kreu i bashkisë së Vorës, i dalë nga zgjedhjet e 30 qershorit është dënuar më parë në shtetin helen.

Sipas kësaj prove zyrtare, rezulton se Kajmaku është arrestuar në flagrancë në zonën e Janinës, më datë 14.01.2003 për veprën penale "Përdorim dhe shpërndarje kartëmonedhash të falsifikuara”, një krim që parashikon një dënim deri në 10 vjet burg.

Megjithatë, deri tani Kajmaku i ka mohuar të gjitha akuzat e PD, e po ashtu në formularin e dekriminalizimit ka deklaruar vetëm se ka ndryshuar emrin për të marrë vizë në Greqi dhe jo se kishte qenë i dënuar.

Kryebashkiaku ka publikuar edhe disa dokumente që sipas tij, konfirmojnë se nuk është subjekt i ligjit të dekriminalizimit. Sipas PD, ai ka falsifikuar të dhënat.

Deklarata e Agim Kajmakut më 6 gusht:

Përshëndetje,

Unë ashtu si dhe shumë e shumë shqiptarë që kanë emigruar në Greqi në vitet `90, më është dashur të ndryshoj emrin dhe mbiemrin për tu pajisur me dokumente qëndrimi. Sepse fatkeqësisht ky ka qenë niveli i mbrojtjes për emigrantët nga shteti Shqiptar në ato kohë kur Sali Presidenti i futi dy gishtat në sy këtij vendi.

Këtë gjë nuk e kam bërë në shkelje të ligjit, por me Vendim të Këshillit të Komunës Prezë, Nr 06/1, Datë 06.02.1996, “Ndryshim emri dhe mbiemri nga Agim Kajmaku në Jorgo Toto”. Përmes këtij ndryshimi, munda që të siguroj një vizë nga Ambasada Greke për vete dhe familjen.

Prej vitit 1996, bashkë me bashkëshorten time Rita, hapëm një biznes tregti Lulesh Natyrale. E kam drejtuar vetë atë biznes deri në korrik të vitit 2019 kur u zgjodha Kryetar i Bashkisë Vorë. Biznesin e nisëm me furnizim nga shteti Grek dhe kemi punuar për rreth 8 vjet, deri në vitin 2004 me Greqinë.

Ndërkohë me vendim të Këshillit të Komunës Prezë, Nr 19, Datë 30.03.2004, kam “Ndryshim emri dhe mbiemri nga Jorgo Toto në Agim Kajmaku”. Kjo për shkak se jo vetëm mundësitë e biznesit ishin zgjeruar në vende të tjera të Evropës, por lindi nevoja të administroja pronat e familjes time.

Pavarësisht ndryshimit të emrit për arsye dokumentare, unë Agim Kajmaku gjithmonë kam mbajtur të njëjtin emër të babait, nënës dhe të ditës time të lindjes edhe me emrin Jorgo Toto. Prandaj është shumë kollaj e verifikueshme a kam qëne i dënuar apo jo.

E dija që kur i hyra kësaj rruge për të drejtuar Bashkinë e Vorës, se Sali Baba me dyzet qentë e tij do të sulmonin për me kafshu! Prandaj kalova kufirin para se të dorëzoja kandidaturën time, që t’i kisha këto foto me të cilat përshëndes Sali Babën dhe dyzet qentë e vet dixhital.

Konkretisht më poshtë janë:

Certifikata Personale me shënimin përkatës për ndryshimet e ligjshme të emrit;

2. Dëshmi e Penalitet lëshuar nga Ministria e Drejtësisë në Shtetin Grek ku bazuar në Regjistrin Kombëtar Penal, personi Jorgo (Agim) Toto (Kajmaku) rezulton I PADENUAR;

3. Formulari i Vetë Deklarimit në zbatim të ligjit Nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”, ku parashtrohen gjeneralitetet e mëparshme.

4. Foto e Vulave të Pikave të Kalimit Kufitar në Maj 2019.

Po, kam ndryshuar emrin!

Po, kam zbatuar ligjin dhe e kam deklaruar kudo e kurdo!

Jo! Nuk kam qenë asnjëherë i dënuar.

PD publikon dokumentin grek: Agim Kajmaku u arrestua në vitin 2003 për falsifikim parash

“I arrestuar në Greqi”/ PD kërkon hetim për kryebashkiakun e PS, çfarë deklaron Agim Kajmaku në formularin e dekriminalizimit