Familja mbretërore e trishtuar dhe mbështetëse ndaj Meghan e Harry-t pas humbjes së fëmijës së dytë

Dje u bë publik lajmi se Meghan Markle kishte humbur fëmijën e saj të dytë në korrik. Në një shkrim për "The New York Times", ajo emocionoi me shkrimin e saj teksa tregoi se përpiqej të ishte e fortë në publik kur brenda ishte e thyer për humbjen e fëmijës.

"E dija se ndërsa shtrëngoja fëmijën tim të parë, po humbisja të dytin"- ishte një nga fjalitë më prekëse të rrëfimit të Dukeshës së Sussex, Meghan Markle.

Ky lajm ka qenë dje në kryetitujt e shumë mediave botërore dhe vëmendja është  e madhe pë të ditur reagimin e familjes mbretërore, nga e cila Harry dhe Markle kane hequr dorë duke u tërhequr nga titujt mbretëror.

"The Daily Beast" shkruan se Princi Harry diskutoi abortin e gruas së tij Meghan Markle me familjen e tij, dhe që po ashtu ata ishin në dijeni se Meghan do publikonte artikullin e djeshëm.

Besohet se Mbretëresha Elizabeth, Princi Charles dhe Princi William ishin të gjithë në diskutim.

Zyra e Mbretëreshës Elizabeth tha se ajo nuk do të bënte asnjë koment mbi çështjen "thellësisht personale". Zëdhënësi i Princit Charles tha se ai nuk do të komentonte për çështjen "private". Zyra e Princit William tha se ata nuk do të komentonin.

E vetmja herë kur një mbret ka qenë kaq i hapur për humbjen e një shtatzënie, ndodhi në vitin 2001 kur Sophie Wessex, gruaja e Princit Edward, djali i vogël i mbretëreshës, bëri një deklaratë duke folur për trishtimin e saj për humbjen foshnjës së saj të palindur.

Për thuajse 20 vite nuk kishte ndodhur më një ngjarje e tillë dhe artikulli i djeshëm i Meghan oshte thellësisht prekës me terma hidhërues që shpjegonte me detaje gjithë dhimbjen. Fakti që si aborti, ashtu edhe artikulli i Meghan u diskutua me familjen mbretërore, po shihet nga shumë si një shenjë pozitive që marrëdhëniet midis çiftit dhe mbretërve mund të jetë më e mirë nga sa është supozuar gjatë muajve të fundit.

Thuhet po ashtu se familja mbretërore është trishtuar nga lajmi i humbjes së fëmijës së Meghan Markle dhe Harry-t.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm