Harry po qëndron në hotel, William e ka telefonuar pas gjithë kësaj kohe që nuk flisnin

Vëllezërit William dhe Harry duket se do lënë pas çdo mosmarrëveshje, të paktën derisa të varrosin gjyshin e tyre, Princin Philip që ndërroi jetë disa ditë më parë. Ribashkimi i Harry-t me familjen pas më shumë se një viti nga largimi i tij, është parë me shumë interes.

Mediat e huaja raportojnë se vëllezërit kanë komunikuar në telefon menjëherë pasi Harry mbërriti në Mbretërinë e Bashkuar të dielën pasdite.

“Ata e dinë se nuk ka të bëjë me ta,  ka të bëjë me nderimin e kujtimit të gjyshit të tyre dhe mbështetjen e gjyshes së tyre. I gjithë fokusi është te Mbretëresha. Asnjë përjashtim. Një familje e bashkuar”, thanë burimet.

Raportet mes vëllezërve nuk kanë  qenë të mira dhe madje pas intervistë së bujshme të Harry-t dhe Meghan tek Oprah, William është shprehur se

"Harry e ka kaluar masën dhe s’po njeh më limite që kur ka shkuar në Hollywood. Ai e akuzoi duke i thënë se gjatë asaj interviste vendosi famën para familjes së tij të madhe.”

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm