Kostume, sportivë dhe me lule, si u veshën politikanët për të votuar

Teksa Shqipëria sot voton, me vëmendje shihen dhe politikanët dhe kandidatët ndërsa i janë drejtuar kutive të votimit.

U vërejt se shumë prej grave politikane kishin vendosur të vishnin kostume elegante me ngjyra pranverore, si p.sh kryetarja e LSI-së, Monika Kryemadhi me kostum rozë pastel, apo Jorida Tabaku me blu pastel.

Ministra e Arsimit Evis Kushi po ashtu u shfaq me veshje serioze, me një xhaketë bezhë dhe pantallona me ngjyrë vishnje të errët.

Zëdhënësja e PD-së Floriana Garo ka veshur një fustan blu të thellë dhe me një pallto të kuqe.

Kryeministri Rama i cili votoi me bashkëshorten, Lindën, ishte veshur sportiv, teksa Linda me një fustan të zi stil boho, i shoqëruar me një pardesy në po të njëjtin stil në ngjyrën vishnje.

Ndërkohë, kreu i PD-së, Basha është veshur serioz, me veshjen që e karakterizon, megjithatë i ka dhënë një pamje më sportive pamjes së tij duke hequr kollaren.

Lideri historik i PD-së, Sali Berisha votoi i shoqëruar nga bashkëshortja, Liri, dhe të dy të veshur seriozë. Liria me kostum rozë dhe Berisha me kostum të zi dhe kollaren blu, si simbolikë e PD-së.

Kreu i Bashkisë së Tiranës është veshur sportiv, me xhinse dhe xhup lëkure, ndërsa bashkëshortja e tij, Ajola Xoxa me një fustan me lule.

Presidenti Meta, kishte veshur kostumin serioz me kollare, teksa bëri dhe simbolin e dy gishtave gjatë momentit kur hodhi votën në kuti.