Flash News

Ndërron jetë në moshën 58-vjeçare, Artan Lame

Vrasja e Ermir Dedjas, shpallen në kërkim dy persona, u siguruan mjetin autorëve

Studimi: Ndërtimi i digave sjell pasoja të rënda ekologjike mbi burimin e Vjosës

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

POLITIKOFF

Ndërron jetë në moshën 70-vjeçare këngëtari i njohur Vasilis Karras

Politiko 24 Dhjetor 2023, 19:12

Ndërron jetë në moshën 70-vjeçare këngëtari

Është ndarë nga jeta në moshën 70 vjeçare këngëtari i njohur grek Vassilis Karras. Këngëtari po luftonte prej kohësh me një sëmundje të rëndë, ndërsa ditët e fundit ishte i shtruar me koronavirus në repartin e terapisë intensive. Ai dha frymën e fundit në orën 17:00 të së dielës pasdite nga një goditje në tru .

Vasilis Karras ka lindur në Kokkinochori të Kavallës, ndërsa në moshën 10-vjeçare shkoi me familjen në Selanik. Në vitin 1969, në moshën 16-vjeçare, ai bëri paraqitjen e tij të parë muzikore në lokalin e natës “Prosfygas” në Evosmos të Selanikut, shkruan "Protothema".

Njëkohësisht punonte si automekanik, dashuria e tij e dytë e madhe pas këngës. Ai kishte punuar edhe në motorrin e OSE-së në Selanik, fakt që pasqyrohet në këngën e tij “Ego agapi mou, ego”. Karrierën profesionale e filloi në Selanik. 

Karras kishte bashkëpunuar me kompozitorë dhe tekstshkrues, si Dimitris Rakitzis Foivos, George Theofanous, Alekos Chrysovergis dhe Spyros Giatras, Evi Droutsa, Panos Falaras, Christos Dantes, Kyriakos Papadopoulos dhe Ilias Filippou, Michalis Hatzigiannis e shumë të tjerë, Christos Nikolopoulos. 

Ai kishte bërë duete me shumë këngëtarë si Marianthi Kefala, Pyx Lax, Konstantina, Angela Dimitriou, Tolis Voskopoulos, Nikos Zoidakis, Kaiti Garbi, Despina Vandi, Elli Kokkinu, Irini Merkouri, Paola, Pantelis Pantelidis si dhe me George Kakosao. 70-vjeçari ishte gjithashtu kompozitor dhe tekstshkrues dhe kishte shkruar këngë për shumë këngëtarë grekë.

Të fundit