Pas kandidimit si deputete, Ori Nebijaj heq dorë nga televizioni

Moderatorja e Top Channel Ori Nebijaj, këtë vit po kandidon si deputete e Partisë Demokratike dhe gjatë gjithë kohës është angazhuar me fushatën në terren, njësoj si të gjithë kandidatët e tjerë të të gjitha forcave politike.

Aktualisht, Ori vazhdon të drejtojë emisionin “Wake Up” në Top Channel sipas kontratës që ka nënshkruar me televizionin por së shpejti do të largohet nga ekrani për t'u bërë pjesë e politikës.

E ftuar mbrëmë tek “Binjakët” në Vizion Plus, moderatorja zbuloi se ky është sezoni i fundit për të në televizion dhe se pas përfundimit të “Wake Up”, ajo nuk do të rikthehet me asnjë projekt tjetër televiziv.

“Patjetër që do e lë televizionin. Televizioni, tashmë është një vendim i marrë. Çështja është që unë u tregova korrekte bashkë me televizionin dhe ne e kemi bërë këtë bisedë për të përfunduar këtë sezon, duke qenë se edhe fushata ishte në mes dhe nuk pamë asnjë problem, përsa kohë unë jam korrekte me punën që ta përfundojmë këtë gjë.

Unë do ta lë gjithsesi televizionin, sepse unë do bëhem deputete. Edhe nëse nuk do bëhem deputete, do të largohem, sepse unë jam në politikë”, – tha Nebijaj.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm