"Ping pong" sa në Tiranë sa në Prishtinë, fansat të zhgënjyer pasi humbën paratë me "Sunny Hill": Me dy lugë nuk hahet

Të shumtë janë fansat - jo vetëm shqiptarë - që prej disa muajsh përgatiteshin për të marrë pjesë në "Sunny Hill" në Kosovë. Një festival që garanton emrat më të spikatur të momentit në arenën botërore por dhe atë shqiptare. Mirëpo, një lajm i disa ditëve më parë zhgënjeu jo pak fansat që kishin blerë tashmë biletat, kishin bërë "booking" (rezervime) të hoteleve dhe biletat e fluturimeve.

Sunny Hill do mbahej në Tiranë, për shkak të mosmarrëveshjeve politike në Kosovë.

Ky vendim nuk u përkrah aspak nga fansat dhe aq më tepër nga shqiptarët e Koosvës, të cilët e konsiderojnë "Sunny Hill"të tyrin dhe që duhet të mbahej në Prishtinë.

Tirana ishte e gatshme të mirëpriste këtë festival dhe në të gjitha komunikimet publike duket se përgatitjet kishin filluar.

Mirëpo, sot, një tjetër vendim është marrë. "Sunny Hill" do të mbahet në të njëjtat data në Prishtinë, por do ketë dhe një festival në Tiranë - që ende nuk dihet nëse do të performojnë artistë botëror apo do jetë thjesht jë "qokë" e radhës, për shkak të situatave të krijuara.

Nëpër komente fansat janë të ndarë në dy kategori, shqiptarët e Kosovës që janë të lumtur për këtë vendim dhe të tjerët që anuluan biletat, rezervimet e hoteleve dhe të fluturimeve dhe që kanë humbur shumë para për shkak të "interesave" të të gjitha palëve të përfshira.

Më poshtë keni disa nga komentet që ne i kemi marrë në postimin e faqes zyrtare të "Sunny Hill Festival":

"Ky organizim nuk është në rregull. Kam anuluar planet pas vendimit të oarë, tani kjo? Sunny Hill a mund të rimbursojmë akoma biletat?"

"U kthye në një shaka tani"

"Aman ndajeni mendjen se nuk kemi kohë të merremi me këto gjëra"

"Është problem të hash me dy lugë"