Tendenca që duken mirë në pasarela por të parehatshme në jetën e përditshme

Ndonjëherë, rrobat e papërshtatshme dhe jopraktike bëhen të modës. Por kjo qasje ka ekzistuar gjatë gjithë historisë njerëzore. Thjesht mendoni për korsetë e ngushta dhe paruket e mëdha. Njerëzit janë detyruar të ndjekin trendet e reja të modës, ndonjëherë edhe kundër "dëshirës", duke mos u ndjerë aspak rehat.

Më poshtë do të mund të lexoni se cilat veshje nuk janë aspak të rehatshme në jetën e përditshme:

Kostum mëndafshi

Mëndafshi është një material shumë i vështirë për t’u kujdesur. Nëse larja, tharja dhe hekurosja bëhen gabimisht, kostumi mund të humbasë shpejt shkëlqimin e tij.

Pantallona çiklistësh

Disa njerëz mendojnë se kjo tendencë është qesharake, të tjerët janë të çmendur pas saj. Por është e vështirë të mos pajtohesh me faktin se pantallonat e shkurtra të çiklistëve duken mirë vetëm te vajzat e gjata dhe elegante. Gjithsesi, për një gjë biem dakord të gjitha: ato janë shumë të ngushta.

Jumpsuit dimëror

Edhe Paris Hilton dhe Gëen Stefani zgjedhin të jenë praktike në përditshmëri. Një jumpsuit tërheq vëmendjen dhe thekson trupin, por është krejtësisht i parehatshëm në jetën e përditshme. Një tjetër disavantazh është se ju duhet të lani të gjithë kostumin, pavarësisht nga fakti se në shumicën e rasteve, pjesa e poshtme bëhet më shumë pis, se ajo lart.

Një çantë e tejdukshme

Mund t’ju duket një çantë unike, por kujdes. Çantat e tejdukshme mund të tërheqin vëmendjen e hajdutëve dhe grabitësve, ose e thjeshtë fare - çdo njeri mund të shohë se çfarë mbani në çantë. Përmbajtja e çantës së një gruaje duhet të mbetet një mister.

Kostum pizhama

Kjo tendencë e pazakontë nuk po zhduket ende, thjesht ndryshon formë, pëlhurë dhe ngjyrën e saj. Modelet me "pizhama" vazhdimisht shfaqen në pasarela, por në jetën e përditshme, me kostume të tilla, duket sikur sapo jemi zgjuar nga gjumi.

Fustani si këmishë nate

Veshja, e cila është e dashur për shumë fashionista, lehtësisht rrudhoset, madje edhe njollat e vogla duken qartë në të. Përveç kësaj, është shumë e vështirë të zgjedhësh të brendshmet e duhura, sepse ky material fustani tregon çdo gjë që ndodhet poshtë tij.

Këpucë plastike

Silikoni i përdorur në këto këpucë është 100% hermetik duke i bërë këmbët tuaja të lagura. Gjithashtu, nëse ende vendosni të blini këto këpucë, duhet të siguroheni që pedikyri të bëhet rregullisht.

Rroba banjoje me shumë lidhje

Rrobat e banjës me shumë lidhje janë të njohura në pasarela, po aq sa bikinit e zakonshme. Sidoqoftë, ato janë më të përshtatshme për festa në plazh, në pishinë ose sete fotografike.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm