Tentoi të fshinte nga interneti foton që i postuan pa leje, reagon Khloe Kardashian: Jam fyer gjithmonë për trupin dhe pamjen

Khloe Kardashian ka reaguar pas fotos që asistenti i saj ia publikoi pa leje.

Në fakt ajo u mundua ta hiqte nga Interneti por duke mos ia dalë dot dhe pas shumë komenteve ajo ka reaguar duke treguar se sa shumë i ka përjetuar komentet fyese ndaj saj dhe sa pasiguri e kompleksitet i kanë dhënë këto komente prej shumë vitesh.

Khloe tha se është përballur me komente fyese dhe paragjykuese përsa i përket trupit pothuajse gjatë gjithë jetës.

“Hej njerëz, ky është trupi im i paedituar dhe pa filtra. Fotoja që u postua këtë javë është e bukur. Por si dikush që është përballur me [kompleksin] e imazhit të trupit gjithë jetën, kur dikush të bën një foto në ndriçim jo të mirë dhe që nuk e tregon trupin tënd siç është realisht pasi ke punuar fort që të jetë ashtu – dhe më pas ia shpërndan botës – ti ke të drejtën të kërkosh që të mos shpërndahet – pavarësisht se kush je. Khloe është motra e shëndoshë. Khloe është motra e shëmtuar. Babai i saj duhet të jetë tjetër sepse ajo duket ndryshe. Mënyra e vetme që duhet të ketë humbur peshë është operacioni. Nuk jam perfekte, por premtoj që përpiqem çdo ditë ta jetoj jetën sa më sinqerisht të jetë e mundur me empati dhe mirësi. Nuk do të thotë që s’kam bërë gabime. S’dua të gënjej. Është pothuajse e padurueshme që të përpiqesh të jetosh jetën me standarde të pamundura që publiku i ka vendosur për mua. Më pëlqen [të vendos] ndonjë filter, ndriçimi i mirë, ndonjë modifikim tek-tuk, ashtu si më pëlqen të vendos makeup, të bëj thonjtë, të vesh këpucë me taka dhe ta paraqes veten ashtu si dua unë. Trupi im, imazhi im dhe mënyra se si dukem dhe çfarë dua të shpërndaj është zgjedhja ime. Nuk i takon askujt që të vendosë ose të gjykojë se çfarë është e pranueshme ose jo. Jemi të gjithë të veçantë dhe perfektë në mënyrën tonë. Kam kuptuar që nuk mund të vazhdojmë ta jetojmë jetën duke u përpjekur të përshtatemi me një model perfekt që të tjerët kanë vendosur për ne. Thjesht jini vetvetja dhe siguroheni që zemra juaj është e lumtur."

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm