U kritikua ashpër se theu rregullat anti-Covid, flet Fifi dhe thotë "të pavërteta"

Pas publikimit të disa pamjeve dhe videove nga koncerti i Fifit në Ferizaj, ku ishin mbledhur qindra fansa, të shumtë janë ata që e kanë kritikuar këngëtaren për "mungesë përgjegjësie".

Përmes një video në Instastory, Fifi ka reaguar teksa tha dhe disa të pavërteta. Ajo tha se të gjithë po e kritikojnë prej kafeneve, kur në fakt kafenetë janë të lejuara me vendim qeveri deri në një orar të caktuar e ndërsa Fifi theu atë që ndalohet: grumbullimin e njerëzve dhe koncerteve.

Ndërkohë, tha se ka 11 muaj pa punë si të gjithë artistët por ndërkohë Fifi ka punuar në "Shiko kush luan".

Artistët janë kategoria më e goditur prej pandemisë, megjithatë artistët që bëjnë dhe muzikë pak më komerciale, kanë pasur të ardhura të kënaqshme prej vitesh dhe koncerte pafund - nga të cilat sigurisht dhe kanë kursyer.

Mos të harrojmë se puna e tyre ka vazhduar dhe me publikimin e projekteve muzikore ne Youtube - një tjetër kanal ku vijnë të ardhurat e artistëve.

Në këtë kohë pandemie, njerëzit po flasin për të ardhura elementare, dhjetëra familje kanë humbur bizneset ku siguronin bukën e gojës, teksa nga ana tjetër Fifi "ankohet" se ka ngelur pa punë - duke justifikuar kështu veprimin e gabuar që ka bërë - për të cilin u gjykua dhe kritikua nga të gjithë që po respektojnë rregullat dhe kanë humbur po ashtu vendet e tyre të punës.

Reagimi i plotë i Fifit:

“Ju thoni se ju nuk mendoni për familjen tuaj, ju nuk mendoni për rrethin tuaj, ju nuk mendoni për nënë e babë, nuk mendoni për të moshuarit në shtëpi, ju nuk mendoni për shoqërinë. Saktë. Ka mundësi se jemi egoistë dhe mendojmë vetëm për veten dhe si t’i bëjmë dy pare më shumë dhe nuk ka lidhje nëse shpërndahet virusi. Por besoni se nëse ne jemi egoistë, atëherë egoisti e do veten më shumë se të gjithë dhe e ruan veten dhe unë kisha qëndruar në shtëpi. Por të paktën një ditë, doja të ndihesha dhe unë si të gjithë njerëzit që jam duke jetuar dhe që një ditë gjithçka do të kthehet në normalitet. Çdo ditë të Zotit, ju shoh juve që po komentoni këtu nëpër kafe, nëpër lokale. A nuk shpërndahet virusi ashtu? Ju që jetoni këtu, çdo ditë të Zotit pini kafe. A nuk e shpërndani ju virusin? Ah, jo! E shpërndan vetëm arti, muzika, teatri, mbledhjet për filma, nëse shkon për të bërë balet, nëse organizon një dasmë. Kam 11 muaj pa punë. As shteti, as ju, askush nuk është interesuar se çfarë po bëjnë artistët. A u interesua ndonjë për gjendjen financiare të artistëve? A i ka ndihmuar njeri artistët për të bërë art? Jo. Kështu që zonja dhe zotërinj mos u prekni. Ok? Mendoni ju për veten dhe ishallah jua bën Zoti mbarë. Ama mos më prekni sepse jam 11 muaj pa punë. Unë dhe krejt artistët e tjerë. Faleminderit."

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm