Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

POLITIKOFF

Vuan nga një sëmundje e rrallë, përkeqësohet gjendja shëndetësore e Celine Dion

Politiko 19 Dhjetor 2023, 19:26

Vuan nga një sëmundje e rrallë, përkeqësohet gjendja

Këngëtarja e njohur franko-kanadeze, Celine Dion, mjaft e famshme në vitet 2000, po vuan nga një çrregullim neurologjik i quajtur sindroma e personit të ngurtë. Kjo sindromë bën që trupi të sulmojë qelizat e veta nervore.

Këngëtarja e “My Heart Will Go On”, hitit kolonë zanore të “Titanic”-ut, u detyrua të anulonte angazhimet e saj në turne dhjetorin e kaluar pasi zbuloi se ishte diagnostikuar me Sindromën e Personit të ngurtë – një sëmundje e rrallë neurologjike që shkakton konvulsione të rënda.

Pasi u tërhoq nga qendra e vëmendjes për t’u fokusuar në rimëkëmbjen e saj, 55-vjeçarja i lumturoi fansat muajin e kaluar kur shkroi disa mesazhe gjatë një shfaqjeje në Las Vegas për një lojë NHL.

Në një intervistë të re, motra e Celine Dion ka ndarë lajmin rrëqethës për sëmundjen e saj, duke zbuluar se ajo nuk ka më “kontroll mbi muskujt”.

Claudette Dion ka folur për mënyrën sesi motra e saj e përballon prapaskenën, duke shpjeguar se po punon shumë për të kapërcyer gjendjen e saj.

“Ajo që më thyen zemrën është se ajo ishte gjithmonë e disiplinuar. Ajo ishte gjithmonë një punëtore,” tha Claudette.

“Është e vërtetë që si në ëndrrat tona ashtu edhe të saj synohet rikthimi në skenë. Në çfarë cilësie? Nuk e di”, shtoi ajo.

Aktualisht nuk ka një kurë të njohur për sindromën e personit të ngurtë, sindromë që thuhet se i kthen njerëzit në “statuja njerëzore”, ndërsa trupi bëhet më i fortë.

Claudette tha se për shkak se është një gjendje kaq e rrallë, ka shumë pak kërkime mbi simptomat dhe trajtimet e mundshme.

“Për shkak se është një rast në një milion, shkencëtarët nuk kanë bërë aq shumë kërkime sepse nuk ka prekur aq shumë njerëz”, shtoi ajo.

Në dhjetor 2022, Celine hodhi dritë mbi sëmundjen e saj për herë të parë, duke u thënë fansave se ajo ishte diagnostikuar me një çrregullim të rrallë të lëvizjes autoimune që prek sistemin nervor qendror.

Të fundit