Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama “thumba” BE-së në takimin me Erdogan: Turqia në mbështeti në pandemi, kur shumë vende na ‘kthyen shpinën’

Politiko 6 Janar 2021, 17:13

Rama “thumba” BE-së në takimin me Erdogan: Turqia në

Kryeministri Edi Rama ka vlerësuar dhe shprehu mirënjohjen Turqisë, sipas tij për mbështetjen që ka ofruar jo vetëm pasi Shqipëria u godit nga dy tërmetet e 2019-ës, por edhe gjatë periudhës së pandemisë.

Madje, në një konferencë të përbashkët me presidentin Rexhep Taip Erdogan, Rama nuk kursen edhe ‘thumbat’ disa vendeve të BE-së, që sipas tij, ndryshe nga Turqia, u mbyllën siç mbyllën njerëzit e tyre në shtëpi prej pandemisë së COvid-19.

“ Është një mikpritje e paharrueshme nga Erdogan, ndonëse nuk është hera e parë që vizitojë Turqinë mike.

Në këtë mikpritje ne të gjithë së bashku si delegacion mundëm të konstatojmë shprehjen e një vullneti të fortë për të hapur një kapitull të ri në marrëdhëniet mes të dy vendeve, dy shteteve, dy qeverive. I jam mirënjohës presidentit për bashkëbisedimin ‘kokë më kokë’ dhe për kohën e çmuar që i dedikoi një tërësie të konsiderueshme çështjesh, por mbi të gjitha dua ta shpreh këtu mirënjohjen për të dhe për popullin turk për reagimin e menjëhershëm në mbështetje të Shqipërisë, duke u gjendur në krah të familjeve të goditura nga tërmeti tragjik i 26 nëntorit. Presidenti Erdogan ishte i pari, që u angazhua publikisht dhe botërisht, në procesin e rindërtimit dhe i hapi rrugë një procesi të tërë përfshirjeje të shumë vendeve të tjera, që bënë të mundur mbledhjen e një shume të konsiderueshme për Shqipërinë.

Solidariteti i Turqisë mike dhe i presidentit Erdogan nuk është shprehur vetëm kur Turqia nuk ka pasur një problem të vetin, por edhe kur Turqia njësoj si ne u godit nga koronavirusi, i qëndruan pranë Shqipërisë dhe nuk vepruan si disa të tjerë, që njësoj sic u thanë njerëzve të mbyllen në shtëpi, mbyllën dhe shtetet e tjera dhe ndaluan deri edhe kalimin e ndihmave mjekësore për ata që kishin nevojë.

Kjo ka qenë shumë domethënëse për ne, sic është domethënës edhe fakti që sot një nga temat e diskutimit ka qenë bashkëpunimi i afërt mes dy vendeve dhe mbështetja e Turqisë për Shqipërinë në gjithë procesin e kësaj lufte të madhe me këtë armik të padukshëm, pa u kursyer.

Besoj që sjellja e Turqisë ndaj nesh dhe qasja e presidentit Erdogan në situatat kur vende si yni gjenden në vështirësi janë mishërimi i fjalës së paharrueshme të Qemal Ataturkut, që thoshte “njerëzimi është një trup i vetëm dhe cdo komb është pjesë e këtij organizmi”.

Edhe pse Turqia u godit nga pandemia, kjo nuk e bëri të ndalet për asnjë sekondë projekti që po realizohet me mbështetjen e ministrit, mikut tonë Muratit. Solidarizimi ndaj ngjarjeve të tilla reflektojnë esencën e kësaj marrëdhënie dhe humanizmit, që është në themel të kësaj marrëdhënie”, tha Rama.

Gjatë këtij takimi, Rama dhe Erdogan firmosën marrëveshjen për krijimin e Këshillit të Bashkëpunimit Strategjik të nivelit të lartë.

Erdogan tha gjatë fjalës së tij se me Ramën janë diskutuar marrëdhëniet dypalëshe mes vendeve dhe çështje rajonale në fushën e ekonomisë, kulturës.