Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama reflekton pas përplasjes së ashpër me gazetarin, nis Manastirliun drejt Elbasanit: Pajisje të reja jetëshpëtuese për shërbimin e reanimator

Politiko 24 Qershor 2020, 18:18

Rama reflekton pas përplasjes së ashpër me gazetarin, nis

Kryeministri Rama duket se ka reflektuar pas përplasjes me gazetarin e News 24, Erjon Skëndaj, referuar gjendjes në Spitalin e Elbasanit, i cili pavarësisht se në kushte jo të mira, është përdorur edhe për trajtimin e pacientëve të infektuar me COVID-19.

Ndryshimi i strategjisë së kreut të qeverisë, nga ironizomi i situatës në marrjen seriozisht të saj, u vu re me vizitën e Ministres së Shëndetësisë Ogerta Manastirliu ditën e sotme në këtë spital për të “lançuar” investimin e qeverisë në infrastrukturën e këtij spitali dhe dorëzuar pajisjet e reja jetëshpëtuese për shërbimin e reanimacionit.

Pak muaj pas debatit mes palëve, me “qetësimin e ujërave”, qeveria Rama ka vendosur investimin në rritjen e kapacitetit të këtij spitali për trajtimin cilësor jo vetëm të sëmurëve me COVID-19, por edhe atyre me patologji të tjera të sistemit shëndetësor.

“Dyfishojmë kapacitetet e terapisë intensive në spitalin e Elbasanit dhe forcojmë rrjetin e reanimacioneve në spitalet rajonale jo vetëm për t’ju përgjigjur situatës së shkaktuar nga COVID-19 por edhe për përballimin e patologjive të tjera në spitale”, tha Manastirliu.

“Të gjithë pajisjet që sot po dorëzohen në spitalin e Elbasanit jo vetëm fuqizojnë terapinë intensive por edhe dyfishojnë flotën e pajisjeve të cilët ekzistonin më parë, por tani është një arsye më shumë që të trajtohen më shumë pacientë, duke shmangur ecejaket në Tiranë dhe për të mundësuar që të marrin trajtim afër vendbanimit. Ky është një synim afatgjatë i gjithë investimeve që ne kemi bërë në sistemin shëndetësor”, theksoi ndër të tjera ministrja, ndërsa shtoi se po vijon puna për ttitjen e kapaciteteve të testimit dhe ato diagnostike në këtë situatë të përballjes me COVID19.

“Fuqizimi i shërbimit të terapisë intensive është një objektiv të cilin ne po e bëjmë realitet. Jo vetëm në këtë moment ku po përballemi me virusin e rrezikshëm Sars-Cov2 dhe ku të gjitha forcat janë mobilizuar për t’u përballur dhe për t’iu përgjigjur këtij virusi të rrezikshëm, qoftë për nga pikëpamja diagnostike me fuqizimin dhe rritjen e vazhdueshme të testimeve, edhe nëpërmjet fuqizimit të spitaleve tona, siç është Spitali Universitar “Nënë Tereza”, spitali “Shefqet Ndroqi” dhe gjithashtu edhe spitalet rajonale”, tha Manastirliu, duke falenderuar mjekët për përballimin me sukses të situatës së pandemisë.

“Faleminderit për gjithë punën e mirë dhe në kushtet e pandemisë, pasi ju keni pasur shumë më shumë ngarkesë dhe për një periudhë kohe keni mbajtur edhe ngarkesën e spitalit “Shefqet Ndroqi” dhe ja keni dalë me sukses”, u tha ministrja mjekëve.

Invesimi i qeverisë, me mbështetjen edhe të Bashkimit Europian, parashikon fuqizimin e njësive të terapive intensive jo vetëm në spitalet universitare në Tiranë, por edhe ato rajonale, me aparatura të teknologjisë së lartë për ofrimin e shërbimit cilësor, afër vendbanimit.

Lexo këtu për më tepër detaje mes debatit të Kryeministrit me gazetarin: https://politiko.al/ke-hyre-me-force-ne-nje-spital-covid-gazetari-i-pergjigjet-rames-me-fake-ke-thene-dy-te-paverteta/

Lexo edhe këtu: https://politiko.al/e-zuri-ngushte-me-pyetjen-rama-kapet-me-gazetarin-tentuat-te-hyni-me-force-ne-spitalin-covid-kam-nje-sugjerim-miqesor-per-ty/