Flash News

Aksident në aksin Shkodër–Muriqan, dy të plagosur

Irani hakmerret ndaj SHBA-së, sulmon me raketa bazën ajrore amerikane në Katar

KPA lë në fuqi shkarkimin e prokurorit Çlirim Sino

Abuzim me tendera dhe falsifikim dokumentesh, GJKKO jep dënimet për 4 ish zyrtarët e Kurbinit (EMRAT)

Gjendet i pajetë një 70-vjeçar në lumin Buna

KRYESORE

Ramush Haradinaj takon Heiko Maas, merr mbështetjen e Gjermanisë për vizat dhe investimet

Politiko 15 Shkurt 2019, 18:40
Ramush Haradinaj takon Heiko Maas, merr mbështetjen e Gjermanisë

Kryeministri i Republikës së Kosovës, Ramush Haradinaj, gjatë vizitës zyrtare në Mynih, në kuadër të konferencës së sigurisë, është takuar me ministrin e Jashtëm të Gjermanisë, Heiko Maas, me të cilin ka biseduar për proceset nëpër të cilat po kalon Kosova, progresin e bërë në këto 11 vjet të shtetndërtimit, në zhvillimin ekonomik, por edhe për perspektivën evropiane dhe euroatlantike të Kosovës.

Kryeministri Haradinaj, ka falënderuar ministrin Maas, për përkrahjen e vazhdueshme të Gjermanisë dhënë Kosovës në të gjitha periudhat, që nga paslufta deri në ditët e sotme në të gjitha fushat.

Në këtë takim është diskutuar edhe për procesin e dialogut ndërmjet Kosovës dhe Serbisë, anëtarësimin në organizatat ndërkombëtare dhe liberalizimin e vizave, për të cilën kryeministri Haradinaj mori mbështetjen e shtetit gjerman për angazhim, që Kosova dhe qytetarët e saj të kenë mundësinë e lëvizjes së lirë si të gjithë qytetarët e vendeve tjera.

Ministri i Jashtëm i Gjermanisë, Heiko Maas, duke vlerësuar progresin e Kosovës tha se Gjermania do të vazhdojë ta përkrahë Kosovën në rrugën e saj euroatlantike, ndërsa theksoi se të dy vendet do të vazhdojnë thellimin e bashkëpunimit edhe në fusha të tjera të interesit reciprok.

Në Mynih, Haradinaj është takuar edhe me Komisionerin për Zgjerim në BE, Johannes Hahn, të cilit i ka kërkuar liberalizimin e vizave për kosovarët.

“Me liberalizimin e vizave u mundësohet qytetarëve, bizneseve, studentëve të lëvizin lirshëm, një e drejtë e mohuar padrejtësisht. Qytetarët e Kosovës, meritojnë lëvizjen e lirë si të gjithë popujt tjerë”, ka thënë kryeministri Haradinaj.

Numri një i qeverisë së Kosovës është takuar gjithashtu me dy senatorë të SHBA-së, Jeanne Shaheen dhe Ron Johnson, ku është rikonfirmuar partneriteti midis dy shteteve.

- Të gjithë në Mynih të Gjermanisë, përveç Edi Ramës

Të fundit