Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Raporti/ Cakaj një orë në konferencë, citon vetëm pikat ku fajëson opozitën, shmang çështjet kyçe të 30 qershorit

Politiko 6 Shtator 2019, 11:26
Raporti/ Cakaj një orë në konferencë, citon vetëm pikat

Ministri në Detyrë për Evropën dhe Punët e Jashtme, Gent Cakaj ka reaguar pas publikimit të raportit të OSBE/ODIHR për zgjedhjet e 30 qershorit.

Duke mbajtur një fjalim të gjatë prej një ore në një dalje për mediat, Cakaj gjatë gjithë kohës është përqëndruar vetëm në pikat ku flitet për opozitën dhe bojkotimi i partive aleate për të marrë pjesë në zgjedhje.

Gjatë gjithë fjalës së tij, Cakaj bëri përgjegjëse opozitën për shkeljet e konstatuara në raport, e megjithatë e ftoi në dialog ndërpartiak.

“Raporti e cilëson sjelljen e PD e LSI në raport me kryeministrinë si të dhunshme dhe vandaliste me disa institucione të tjera. Vendi ka patur më shumë se zgjedhje vendore, u përball me sfida për ruajtjen e rendit. Këtë herë kemi patur më shumë se bojkotim të zgjedhjeve  se jemi ekspozuar ndaj dhunës para dhe pas procesit zgjedhor.

Ky raport është më shumë kritik për opozitën, sesa delegjitimim i procesit zgjedhor. Raporti sqaron se në Shqipëri më 30 qershor zgjedhjet janë zhvilluar pa një mundësi kuptimplotë të zgjedhjeve midis grupaksioneve. Nuk ka prag minimal për numërimin e votave. Qeveria nuk merr përgjegjësi për garantimin e pjesëmarrjes së opozitës në zgjedhje.

Raporti thekson se klima ka qenë e polarizuar dhe nuk i ka kushtuar vëmendje programeve. Kjo është rrjedhojë e atyre që kanë bojkotuar procesin. Opozita në veçanti ka ushtruar presion madhor në elektoratin në shkallë të lartë, kryesisht në bashkitë e drejtuara prej tyre. Numri i pjesëmarrësve të 30 qershorit është më i lartë se në vitin 2015.

Në asnjë moment raporti nuk del në përfundim se situata në zgjedhje u shkaktua nga qeveria, por për shkak të mungesës së Gjykatës Kushtetuese dhe bojkotit opozitar. ODIHR konstaton se procesi ka qenë i rregullt.

Një tjetër problem në raport është edhe se KQZ nuk ka pasur ekuilibër, se opozita ka bojkotuar zgjedhjet. Nuk mund të delegjitimohet procesi zgjedhor dhe as të fajësohet qeveria.

Keqpërdorimi i burimeve të administratës publike, raporti bëhet konkret dhe flet me referenca të sakta e shembuj të veçantë, për të konfirmuar këtë shqetësim.

Në sajë të raportit,  procesi ka qenë i rregullt dhe demokratik, i njohur ndërkombëtarisht. Kanë ekzistuar përpjekje për të keqpërdorur referencat ndërkombëtare para opinionit. Opozita PD e LSi kanë qenë të angazhuara në keqinformim të faktorëve ndërkombëtar për zhvillimet e brendshme, po ashtu edhe për konsum të brendshme, duke bërë tregti të lajmeve të rreme. Opozita ushtroi presion në elektorat e në strukturat administrative në bashki për mospjesëmarrje në zgjedhje, konkretisht bashkia Shkodër. Askund në raport nuk thekson se zgjedhjet nuk kanë qenë ilegjitime se opozita nuk mori pjesë.

Zgjedhje në klimë të pasigurive juridike është e shkaktuar prej dy rrethanave , mungesa e kuorumit në Gjykatës Kushtetuese dhe nga vendimi i opozitës për të bojkotuar zgjedhjet.

Rrëzimi i kërkesës për anëtarët e KZAZ, nuk është vendim i qeverisë, por rrjedhojë e një rregullimi ligjor. Pra, nuk mund të jesh shkaktar i problemi dhe të ankohesh për atë problem”, tha Cakaj.

Pas leximit të raportit binte në sy se ministri shmangu disa nga pikat që bënte përgjegjëse qeverisë, si rasti i Kolegjit Zgjedhor ku thuhet se për shkak të vettingut ka patur trysni nga ana e gjyqtarëve në vendimmarrje, apo se është shkelur ligji duke mos u publikuar në fletoren zyrtare dekreti i presidentit për 30 qershorin.

Në këtë pikë, ministri u pyet nga gazetarët dhe u përgjigj sërish duke sulmuar opozitën.

“Për të qenë korrekt me opinionin isha i përqendruar në elementët kryesorë të raportit.

Sa i takon Kolegjit zgjedhor, situata është e qartë. Në rastin e gjykimit të subjekteve PD dhe LSI nuk është paraqitur kërkesë për t'u regjistruar. Në kushte të tilla subjektet politike nuk gëzojnë legjitimitetin aktiv për të kundërshtuar KQZ duke u ankuar në Kolegjin Zgjedhor.

Një pjesë e konfuzioneve që vijnë në interpretim të aktorëve të përfshirë është rrjedhojë se faktit se Gjykata Kushtetuese nuk është funksionale, e kjo është rrjedhojë e reformës në drejtësi.

Këto nuk janë zgjedhje pa probleme, ndryshe nga të tjerat. Jam këtu për të mbrojtur qëndrimin, i reflektuar në raport se problemet kanë autorë, dhe opozita është shkaktare e shumicës së problemeve, nga mungesa e angazhimit të subjekteve opozitarë në zgjedhje”, tha Cakaj, i cili ftoi opozitën për rifillimin e një dialogu mes palëve.

“Ka ardhur koha për të lëvizur përpara e për të inciuar dialogun ndërpartiak për të garantuar themelet e një demokracie më cilësore në Shqipëri”, u shpreh ministri në detyrë.

Raporti i OSBE i cilëson gjyqtarët të ndikuar nga vettingu, si e ‘rrëzoi’ Kolegji Zgjedhor dekretin e Metës

30 qershori, OSBE/ODIHR nxjerr raportin final: Zgjedhjet jo demokratike. Qëndrimet e KQZ, cënuan procesin

Të fundit