Flash News

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

Të paktën 91 të vdekur nga përmbytjet në Teksas

KRYESORE

Rezultati zyrtar i 30 qershorit, Vasili: Problemi i vetëm është Edi Rama, jo Kodi Zgjedhor

Politiko 19 Korrik 2019, 13:51
Rezultati zyrtar i 30 qershorit, Vasili: Problemi i vetëm është

Petrit Vasili nga radhët e LSI ka rikujtuar edhe një herë se tri javë pas 30 qershorit, Komisioni Qendror i Zgjedhjeve nuk e ka bërë ende publike rezultatin e procesit.

Në një deklaratë për mediat, Vasili thekson se ka vetëm një arsye për këtë zvarritje dhe për këtë, problemi nuk është Kodi Zgjedhor, por kryeministri Edi Rama.

Deklarata e plotë:

Të nderuar qytetarë dhe qytetare të gjithë pa përjashtim,  85% e shqiptarëve që refuzuan dhe ndërtuan të gjithë së bashku aksionin më madhështor e refuzues ndaj Edi Ramës dhe qeverisë kriminale të tij në 30 qershor janë sot dëshmitarë por edhe ata, ajo pakicë e pakicës që votoi janë dëshmitarë që pas 3 javësh Shqipëria është ende pa rezultat zgjedhjesh.

Arsyeja është një dhe vetëm një, banda e hajdutëve të lëshuar pa fre nuk është në gjendje të bëjë dot bashkë hajdutllëkun me rezultatet.

Sigurisht që në të gjitha këto momente të vështirësisë të madhe komisioni qendror i vjedhjeve, Edi Rama dhe politika e tyre që flet herë shqip por edhe politikë që flet dhe anglisht hedhin në treg alibinë e reformës zgjedhore.

Reforma zgjedhore dhe alibia që është kjo çështja kryesore që do të bëjmë të nderuar qytetarë është thjeshtë dhe vetëm një alibi e neveritshme.

Për çfarë arsye?

Me kodin zgjedhor, të nderuar qytetarë kemi votuar që nga viti 2009 dhe rezultatet në 2009, 2013, 2017 përfundonin dhe nxirreshin brenda 2 ditësh, i njëjti Kod Zgjedhor është dhe rezultatet kanë 3 javë që nuk mund të bëhen publike.

Të nderuar qytetarë, po i rikthehem dhe njëherë një eksperience të drejtpërdrejt dhe personale.

Në vitin 92’ ku ishin zgjedhje shumë të vështira dhe kur po ndryshoheshin sistemet, edhe atëherë në kushte shumë të vështira në të gjitha pikëpamjet  teknologjike e të organizimit, rezultatet mbylleshin për dy ditë dhe sot në 2019 Shqipëria e Edi Ramës së  hajdutëve nuk mbyll dot zgjedhjet.

Duhet të jeni shumë të qartë, se sikur së 85% të shqiptarëve kanë refuzuar dhe i gjithë opinioni ndërkombëtarë që do Shqipërinë dhe që mbështet Shqipërinë dhe që mbështet aspiratën e integrimit europian të Shqipërisë i ka refuzar këto zgjedhje. ODHIR-i publikisht është hera e parë në historinë e të gjithë zgjedhjeve pluraliste që nuk i ka certifikuar zgjedhjet, ka certifikuar që kemi vetëm votime socialiste, moniste të paligjshme.

Ka konfirmuar që në fuqi janë zgjedhjet e vendosura nga Presidenti i Republikës në 13 Tetor dhe kjo është e vetmja datë e ligjshme. Ka konfirmuar pra që në 30 Qershor pati votime të vetëm një partie, të Partisë Socialiste për veten e saj, ka konfirmuar që të gjithë vendimet e komisionit të zgjedhjeve që nga mosnjohja e dekretit të presidentit e deri tek regjistrimi i partisë Bindja Demokratike, ishin të një paligjshmërie fragante dhe skandaloze. Në këtë mënyrë, po ai raport ka konfirmuar se shqiptarët në 30 qershor nuk zgjodhën sepse ishin zgjedhje të një partie të caktuar. Njëherazi ju kujtoni se kjo qeveri e famshme dhe ky Edi Rama ngriti një task force me prokurorinë. Që ishte dhe kjo task forca e vjedhjeve. Task forca nuk flet. Task forca nuk bën. Task forca vetëm hedh vallen e hajdutëve dhe me këtë task forcë të ndritur, komisioni qendror i vjedhjeve, task forca e vjedhjeve, luajtën tangon për të organizuar vjedhjen e votimeve rilindase dhe të vetes së tyre. Ku siç i keni parë, kjo vjedhje është konsumuar haptazi. Përse bëhet e gjitha kjo?  Të nderuar qytetarë, kjo është vetëm e vetëm një farsë e shëmtuar cila ishte në funksion të vjedhjeve monstuoze. Jo më larg se dje, 300 e ca milion euro. Miliarda lekë u vodhën për rrugën Balldren-Milot, për rrugën Orikum-Dukat, etj. Pra një shfrenim i cili ka si bazë vetëm vota të blera, vota të shitura, votime të manipuluara, votime skandaloze. Përfundimisht të dashur qytetarë, mos  e dëgjoni dhe refuzojeni sa herë të dëgjoni çështjen e reformës zgjedhore. Me të njëjtin kod zgjedhor, shqiptarët janë të gatshëm të votojnë që sot dhe ta çojnë këtë klikë në shtëpi dhe nuk është Kodi Zgjedhor pengesa.

Pengesa është vetëm Edi Rama, kriminelët përqark tij, kriminelët në shërbim të tij dhe kriminelët në përdorim të tij, si përfituesi kryesor i veprimtarisë kriminale. Shqipëria as nuk do të mbetet kurrë peng i krimit dhe kriminelëve si Edi Rama, pasi ajo përgjigjen e ka dhënë me 30 qershor me refuzimin e saj madhështor, plebishitar prej 85% të qytetarëve.

Na duhet vetëm të mos bëjmë asnjë hap pas në mënyrë që të shpëtojmë Shqipërinë sot pasi nesër do të jetë shumë vonë. As Edi Rama e as kërkush nuk mundet dot t”u mbyllë derën e Evropës shqiptarëve  sepse duhet ta dini, me votime socialiste, me votime moniste dhe me kriminelë në qeverisje, rruga e integrimit europian është një herë ë përgjithmonë e mbyllur dhe këtë dënim shqiptarët as nuk e meritojnë dhe as nuk do ta lejojmë. Ju faleminderit të gjithëve.

Të fundit