Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rrëzimi i kryebashkiakëve të PS, juristi Kume: Gjykatat, vendime të drejta. KQZ gaboi me BD

Politiko 17 Korrik 2019, 22:19
Rrëzimi i kryebashkiakëve të PS, juristi Kume: Gjykatat, vendime

Ish-kreu i Komisionit Qendror të Zgjedhjeve, Kristaq Kume vlerëson vendimet e Gjykatës së Tiranës dhe Durrësit, që nuk konfirmuan në detyrë kryebashkiakët e rinj të zgjedhur me 30 Qershor në Vorë dhe në Durrës.

Kume shprehet se kjo është pasojë e faktit të mungesës së demokracisë dhe zbatimit të ligjit dhe shtoi se është emergjente ndërhyrja në kuadrin ligjor ku përfshihen edhe normat zgjedhore për të shmangur njëherë e mirë krizat e vazhdueshme që vijnë nga mosfunksionimi i ligjit.

“Duhet ta shohim drejt e në sy këtë situatë, në të kundërt do të përballemi me një krizë akoma dhe më të thellë. Gjykata e Tiranës nëse nuk e ka në juridiksion Bashkinë e Vorës është e pafuqishme të shprehet, në të kundërt unë nuk e di cila është arsyeja. Ajo që për mua është problematike në gjithë këtë gjë, është një diçka e dukshme e mungesës së shtetit ligjor. Rrëzimi i mandateve tregon mungesën e shtetit ligjor.

Regjistrimi i Bindjes Demokratike nuk ka qenë në përputhje ligjore dhe kjo tregon pasojën e faktit se ka nevojë për ndërhyrje të menjëhershme për ndryshimin e situatës përmes ndryshimeve ligjore në tërësi dhe ato zgjedhore në veçanti. Kjo krizë ka të bëjë me faktin se ne jemi komplet jashtë shinave që përfaqëson demokracinë.

Është cenuar rëndë Kodi Ligjor, duhen marrë të gjitha hapat e nevojshme për rikthimin e ligjeve demokratike, në të kundërt, problemi do të mbetet i përhershëm dhe krizat do të jenë gjithmonë aty. Jemi jashtë shinave të shoqërisë demokratike”, pohoi Kume në një bisedë telefonike për FaxNews.

Të fundit