Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

“Shefi i madh në politikë”, me foto të printuara krah Ramës, Tahiri ‘shënjestroi’ sërish politikën në gjyq; Nuk kursen as Fatmir Xhafajn

Politiko 19 Shtator 2019, 12:19

Ish ministri i Brendshëm, Saimir Tahiri nuk ka kursyer as seancën e fundit në gjykatën e Krimeve të Rënda për të përcjellë sinjale për politikanët dhe ish kolegë të tij në PS.

Ndërsa ka publikuar para trupit gjykues foto të printuara të gazetave dhe portaleve ku shfaqet krah kryeministrit Edi Rama, Tahiri është përgjigjur ndaj akuzës së ngritur nga Prokuroria, referuar përgjimeve nga Italia, kur dy persona flasin për ‘shefin e madh, duke nënkuptuar Saimir Tahirin, në atë kohë ministër i Brendshëm.

Në këto foto, ai i paraqet si prova për të rrëzuar Prokurorinë se ditën kur është zbardhur ky përgjim ai ka qenë në një takim informal në Dajt me qeverinë dhe kryeministrin Edi Rama.

Sipas tij, nuk mund të ishte njëherësh në takim dhe me kryeministrin dhe me trafikantët. Më pas ai ka thënë se “në raport me krimin, unë dhe Rama nuk jemi shefi i madh, por në raport me politikën ai është shefi i im i madh”.

Nga ana tjetër, ai shenjestroi edhe pasardhësin e tij, ish ministrin Fatmir Xhafaj, duke thënë se ndodhet në gjyq si i pandehur vetëm se i shiti makinën një personi që nuk ka qenë i dënuar.

“Në vend ka plot njerëz që nuk mbajnë përgjegjësi për vëllezër trafikantë”, tha Tahiri.

Ai kundërshtoi replikat e prokurorëve për Habilajt dhe se s’ka mundësi që dy anëtarë të të njëjtës bandë, të denoncojnë njëri tjetrin. Po ashtu, pretendoi se s’ka lidhje me Moisi Habilajn, kreu i grupit kriminal dhe insistoi se është i pafajshëm.

Kujtojmë, se kjo nuk është hera e parë që Tahiri jep mesazhe të koduara. Nga përballja dy-vjeçare me prokurorinë dhe gjykatën , ai ka zgjedhur gjykatën për të përçuar mesazhe, duke thënë ‘s’keni parë gjë akoma’, teksa ka folur për Lindita Nikollën, Mimi Kodhelin, Etilda Gjonajn dhe anëtarë të tjerë të qeverisë.

Ndërkohë, gjykata aktualisht është tërhequr për të dhënë vendimin final në orën 16.00.

Tahiri del i qeshur dhe mes përqafimeve nga gjykata, kur do të jepet vendimi final për ish ministrin

Të fundit