Tahiri del i qeshur dhe mes përqafimeve nga gjykata, kur do të jepet vendimi final për ish ministrin

Gjykata e Krimeve të Rënda është tërhequr për vendimin final ndaj ish ministrit të Brendshëm, Saimir Tahiri.

Ai akuzohet për tri vepra penale: “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në sajë të dosjes ‘Habilaj’.

Pas seancës, trupi gjykues është tërhequr për të dhënë vendimin përfundimtar sot në orën 16.00.

Pas seancës, Tahiri ka dalë i qeshur dhe është pritur me puthje e përqafime nga mbështetës të tij, të cilët e inkurajuan për të pritur vendimin me qetësi.

Ai nuk preferoi të japë asnjë koment për mediat, por në seancën e javës së shkuar, kur prokuroria dha pretencën ndaj tij me 12 vjet burg, ish ministri tha se ‘dënimi as nuk i shkon ndërmend si vendim gjykate’.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm