Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Thirrje për vrasjen e ambasadores Vlahutin, ja shkrimi për të cilin u arrestua Kastriot Myftaraj

Politiko 10 Maj 2017, 12:34

Analisti Kastriot Myftaraj është arrestuar nga policia për shkak të një shkrimi ku ai bën thirrje për vrasjen e ambasadores së BE-së në Tiranë, Romana Vlahutin. E ndërsa opinioni publik dhe gazetarët janë të ndarë nëse Myftaraj është arrestuar me apo pa të drejtë, në shkrimin e analistit nuk bëhet vetëm thirrje për vrasjen e Vlahutin, por përmban edhe fyerje të rënda ndaj zyrtares së BE-së.

Myftaraj është nisur për të bërë thirrjen ekstreme nga një vendin që sipas tij Vlahutin së bashku me Edi Ramën po përpiqen të zbatojnë. Ai akuzon kryeministrin shqiptar dhe ambasadoren e BE-se se po përpiqen të realizojnë bashkimin e Shqipërisë me Jugosllavinë e re, që do të udhëhiqet sërish nga Serbia.

Sipas analistit Kastriot Myftaraj, çdo shqiptar që do atdheun e vet mund ta Vrasë Vlahutinin dhe ky nuk do të konsiderohej akt terrorist. Tre pas publikimit të shkrimit, Myftaraj është arrestuar nga policia.

Pjesë nga shkrimi i Kastriot Myftarajt:

unë nuk jam i shqetësuar për qëndrimet e saj politike, sepse nuk kam iluzione për rolin e saj politik, por jam i shqetësuar sepse 75 vite pasi Andriç shkruante memorandumin famëkeq, në 2014, në Shqipëri vjen një kroate që me lehtësi i hyn aventurës për të punuar për inicimin e procesit të gëlltitjes së vendit nga një federatë e re sllavojugore. Pak kohë më parë Romana është ankuar se ka pasur kërcënime për jetën e saj, me ç’ rast Brukseli ka kërkuar që të bëhen hetime për të zbuluar autorët. Për Romanën është krijuar një shërbim sigurie shtesë nga shteti shqiptar.

Romana dhe ata në Bruksel që kërkojnë hetime për të zbuluar terroristët që kërcënojnë jetën e Romanës duhet ta dinë se në këtë histori ka vetëm një terroriste, që është Romana, e cila ecën në gjurmët e një tjetër Ivo, Andriçit. Përfshirja e Shqipërisë në Jugosllavinë e Re është një atentat ndaj sovranitetit të Shqipërisë, është një akt që bie ndesh me përmbajtjen dhe frymën e Kushtetutës, është një proces që nuk ka të bëjë me asnjë lloj integrimi europian, por që ka të bëjë me aneksimin e kamufluar, për të cilin Serbia ka bërë përpjekje qëkurse është krijuar shteti shqiptar. Është edhe një krim i parashikuar shprehimisht në Kodin Penal.

Kështu që çdo shqiptar që do atdheun e vet mund ta vrasë Romanën dhe ky do të ishte një akt antiterrorist, jo terrorist. Në këtë histori ka vetëm një terroriste që është Kurva e Pantovçakut, e cila e mbetur pa tutor punon për llogari të Beogradit.