Flash News

Thyen arrestin, vjedh makinë dhe arratiset si në film, kapet hajduti serial nga Tirana!

Emri/ Mashtroi klientët dhe i mori paratë, shpallet në kërkim avokatja

Goditet grupi kriminal, trafikonte d*ogë nga Spanja drejt Finlandës, ‘kokat’ e grupit ishin shqiptarë

Shpëtoi nga mbytja në Durrës, flet 31-vjeçarja angleze: U përmbysëm në çast, shoku im mbeti poshtë mjetit

Shkak mungesa e avokatëve/ Shtyhet sërish seanca për 'Plumbin e Artë'

KRYESORE

Vizita 'mistike' e Bashës në Uashington: Si të lexohet Breitbart

Politiko 28 Mars 2017, 12:39
Vizita 'mistike' e Bashës në Uashington: Si të lexohet

Alfred Lela

Shefi i opozitës është nisur sot drejt Maltës ku do të marrë pjesë në Kongrein e Partive Popullore Europiane. I sapokthyer nga Uashingtoni, ai ka bërë një 'pit stop' në Sheshin e Lirisë dhe e ka zhvendosur axhendën, sërish, drejt 'njohjes ndërkombëtare' të protestës së opozitës.

Mund të jesh me apo kundër Bashës; t'i duash suksesin apo dështimin; por, nuk mund të mos pajtohesh me faktin se ai po ndërton vëlllimin e një politikani të vetëbërë.

A nuk qe kjo kritika e madhe për Bashën? Duhet të bësh betejat e tua; të dalësh në botë; të ikësh nga hija e Berishës; etj. etj. Vini re: Te qëndrimi i atyre që i kanë formuluar këto teza më parë, do të shihet edhe ndershëmria apo hipokriziaa e tyre. Nëse Basha po bën përpjekje për të koracuar mbulojën e vet politike, dhe ata që i shihnin si të metë të kundërtën, e qortojnë edhe për atë të cilën dikur ia inkurajonin, kemi një problem këtu. Nuk jeni dakord?

Të rrimë pak te vizita në Uashington e Bashës. Njëfarësoj mistike, apo jo. Basha iku dhe u zhduk për gati një javë: Asnjë fjalë, asnjë lajm, vecc hamendësime që vinin e shkonin, ishte pak a shumë teksti i asaj që po ndodhte duke mos ndodhur. Edhe kur u kthye, Basha i la në të thatë miqtë dhe armiqtë, duke mos u dhënë asnjë spikamë vecc 'parafabrikatit' të një retorike të përgjithshme: Kemi lajme të mira; mbështetje të plotë; mbështetja do të arrijë; Amerika është me ne.

Edhe dashamirët i varën supet e shpresës. Vizita në Amerikë, thanë me vete, paska qenë një ekskursion. Për të mos thënë 'një vrimë në ujë', një parabolë që e përdor Kryeministri për rivalin e vet në të majtë të spektrit, Ben Blushin.

Basha paskësh qenë asket, me sa u pa sot në mëngjes kur, një raportim i Breitbart News 'e tronditi' hapësirën e përgjumur mediatike ku flihej, në të majtë mbi dafinat e dështimit të Bashës, dhe në të djathtë mbi gjembat.

Breitbart lajmëronte se shefi i opozitës shqiptare ishte takuar me një radhë kongresmenësh amerikanë, të gjithë kryetarë Komitetesh të rëndësishme në Kongres, duke marrë edhe superlativa nga njëri prej tyre, Dana Rohabacher i Kalifornisë.

Portali amerikan njoftonte gjithashtu pjesëmarrjen e Bashës në një darkë të Komitetit Kombëtar Republikan të Kongresit, ku i ftuar, dhe folësi kryesor, ishte Presidenti Donald Trump. Breitbart nuk raportonte një takim apo foto mes të dyve, por duhet të kemi parasysh një gjë: Për një media amerikane nuk është lajm takimi i Presidentit Trump me një lider të huaj, apo fotoja. Kush e lexon me vëmendje shkrimin, kupton se aty lëvrin meraku i një axhende të djathtë republikane. Vini re me ccfarë hapet shkrimi: Basha shef i një partie pro tregut të lirë. Qëmtoni vijim e pjesës më të madhe të shkrimit: Rreziku i axhendës sorosiane si ndikim i së majtës, dhe kërcënimi i terrorizmit si një shqetësim kulmor i së djathtës konservatore amerikane. Për ata që aludojnë për 'një shkrim të paguar', semantika e tij të ccon më shumë te përpjekja e Breitbart për të ndikuar administratën dhe Presidentin për axhendat e së djathtës, se sa promovimi i Bashës.

Basha ka qëlluar të jetë, jo misioni, por misionari i kësaj filozofie. Te kjo shiheni pikëtakimin Breitbart-Basha-e djathta konservatore amerikane-administrata Trump. Asgjë personale, asgjë për 'sytë e shkruar', asgjë për 'the young fella coming from the other side'. Basha përfaqëson një parti pro treg dhe anti-komuniste. Kush e njeh sadopak Amerikën, e di sa fort jehojnë këto në veshët e një konservatori të atjeshëm. Nëse meraku i ha se pse Amerikën e qeveris një administratë e tillë, konservatore, ky është tjetër debat.

Sa i takon fotos: Nuk ka dalë ende, por mund të dalë...

Të fundit