Flash News

Propaganda e Ramës me paratë e Bashkimit Evropian

Riatdhesohet 19-vjeçari shqiptar i cili ndodhej në rrezik në Sierra Leone

KQZ certifikon rezultatet përfundimtare të zgjedhjeve të 9 shkurtit në Kosovë

Sherr mes adoleshentësh në Sarandë, plagoset me thikë 17-vjeçari

Flet shoku i Martin Canit: Duam drejtësi! Jam i gatshëm të dëshmoj në gjykatë

KRYESORE

Voltana Ademi: Jo në zgjedhje me Ramën kryeministër. PD nuk kërkon përplasje fizike

Politiko 22 Prill 2019, 22:27
Voltana Ademi: Jo në zgjedhje me Ramën kryeministër. PD nuk

Kryebashkiakja e Shkodrës, Voltana Ademi ka deklaruar në “Ditari” në A2CNN, se Partia Demokratike nuk do të regjistrohet në zgjedhjet lokale me Edi Ramën kryeministër.

“PD nuk do të regjistrohet në zgjedhje. Unë jam një ndër kandidatët e PD. Jam një kryetare e PD, i përkas forcës politike nga e cila unë jam zgjedhur dhe bashkëndaj të njëjtin qëndrim që ka PD. Problemi është më i madh dhe ne flasim për sistemin zgjedhor. Duke qenë kështu, askush nga ne nuk mund të marrë përsipër të bëhet pjesë e kriminalitetit të zgjedhjeve. Nuk bëhet fjalë për individë, por për një popull”, tha Ademi.

Ajo kërkoi nga Partia Socialiste që të ndalë presionet ndaj qytetarëve dhe politikanët.

“Ne do të veprojmë hap pas hapi dhe unë mendoj se gjithmonë ka një rrugëzgjidhje. Edhe sonte unë pres që të ketë një reagim nga Kryeministri dhe qytetarëve duhet t’u jepet një zgjidhje dhe këtë nuk mund ta bëjë PD. Duhet të ketë një ndalim të revanshit të PS që vazhdon të bëjë presion ndaj qytetarëve, ndaj politikës. Edhe sonte ka një mundësi, po ashtu nesër apo pasnesër”, u shpreh Ademi.

Voltana Ademi ka theksuar se PD nuk po kërkon përplasje fizike, por gjithsesi, shpesh e ka të vështirë t’i ndalojë njerëzit.

“PD nuk i ka artikuluar këto teza. Ne po përpiqemi që në çdo moment të japim fakte. Asnjëri nga ne nuk mund ta mendojmë që ne mund të rrokim armët. PD ka bërë lëvizjet politike dhe këtë do ta bëjmë deri në ditën e fundit. PD nuk dëshiron përplasje fizike. Por nganjëherë ne e kemi të vështirë të ndalojmë njerëzit”, u shpreh kryebashkiakja shkodrane.

Të fundit