Kandidatja për presidente e Komisionit Europian, von der Leyen thotë se do ta mbështesë hapjen e negociatave për Shqipërinë dhe Maqedoninë e Veriut, në përgjigje të një letre të grupit të Socialistëve dhe Demokratëve në Parlamentin Europian.
Lajmin e njofton televizioni maqedonas Telma.
Hapjen e negociatave e pat kërkuar edhe paraardhësi i saj Jean-Claude Juncker në vitin 2018 dhe 2019, por KëshilliiI Ministrave vendosi të shtynte për të dytën herë vendimin duke pritur tetorin e këtij viti.
Grupi i Socialistëve dhe Demokratëve i dërgoi një letër kandidates von der Leyen duke theksuar se nëse donte votën, duhet të mbështeste agjendën e tyre në Parlament. Një prej pikave, mbështetjen e hapjes së negociatave për Shqipërinë dhe Maqedoninë e Veriut. Ish-ministrja gjermane e Mbrojtjes u përgjigj po me një letër duke thënë se Maqedonia e Veriut ‘është një shembull i shkëlqyer arritjesh pozitive”, dhe shprehu mbështetjen pavarësisht kundërshtimeve të disa vendeve të BE dhe liderëve të tyre.
Von der Leyen pritet të votohet nesër nga Parlamenti Europian.
Discussion about this post