Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Xhaçka krah Merkel në ceremoninë e largimit të Von der Leyen; Presidentja e KE kërkoi shtyrjen e hapjes së negociatave

Politiko 16 Gusht 2019, 12:22
Xhaçka krah Merkel në ceremoninë e largimit të Von der

Ndonëse në muajt e fundit të shtatzënisë, Ministrja e Mbrojtjes, Olta Xhaçka është ftuar të marrë pjesë në një prej ceremonive ushtarake në Berlin, për largimin e Ursula von der Leyen.

Para se të zgjidhet presidente e Komisionit Evropian, Von der Leyen  mbante postin e ministres së mbrojtjes së Gjermanisë të Annegret Kramp-Karrenbauer.

Krah kancelares Merkel, Xhaçka ishte pjesë e ceremonisë, ftesë që sipas ministres shqiptare tregon një provë e marrëdhënieve të shkëlqyera mes vendeve tona.

“Znj. Ursula von der Leyen është një nga ato drejtuese, mungesën e së cilës në politikë e qeverisje do ta ndiejë edhe një vend si Gjermania. Por, të gjithë ata që besojnë tek ideali i një Europe të bashkuar, të fortë e të begatë, mund të jenë të sigurt që do të kenë në krye të Komisionit Evropian, një grua të jashtëzakonshme që s’kam asnjë dyshim që është personi i duhur, për të drejtuar KE, në këtë kohë plot sfida e sprova për Bashkimin Evropian. Por, edhe si një grua ndihem krenare për këtë zonjë të jashtëzakonshme, me te cilën pata fatin të bashkëpunoj në tryezat NATO-s e marrëdhëniet dypalëshe, sepse suksesi i saj është një arsye për çdo vajzë e grua, për të shpresuar që asgjë nuk është e pamundur, nëse besojmë, nëse punojmë e nëse guxojmë. E lumtur për pjesëmarrjen në ceremoninë zyrtare të largimit të Ursulës nga detyra e ministres në Gjermani. Një privilegj për mua, një nderim për Shqipërinë dhe një provë e marrëdhënieve të shkëlqyera mes vendeve tona”, shkruan Xhaçka.

Nga ana tjetër, kujtojmë se gazeta gjermane Handelsblatt shkroi pak ditë më parë se presidentja e re e Komisionit Europian, Ursula von der Leyen mund të shtyjë sërish hapjen e negociatave për Shqiperinë dhe Maqedoninë e Veriut.

Në parim, raporton gazeta, Von der Leyen mbështet hapjen e bisedimeve të pranimit, por në të njëjtën kohë ajo deklaron se “jam gati të shtyj datën e marrjes se vendimit nëse do të duhet më shumë kohë“.

Të fundit