Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zoran Zaev sfidon Merkelin dhe Macron me dorëheqje, nxjerr zbuluar Ramën

Politiko 29 Prill 2019, 18:46
Zoran Zaev sfidon Merkelin dhe Macron me dorëheqje, nxjerr zbuluar

Sipas raportimeve mediatike, kryeministri i Maqedonisë së Veriut, Zoran Zaev, është shprehur i gatshëm të dorëhiqet nga detyra nëse vendit të tij nuk i hapen negociatat me BE-në në muajin qershor. Këtë qëndrim raportohet se Zaev e ka mbajtur në Berlin, ku po merr pjesë në samitin franko-gjerman për Ballkanin Perëndimor.

Kërcënimi i Zaev është një sfidë e hapur për Angela Merkel dhe Emmanuel Macron, të cilët kërkojnë stabilitet në rajon, ndërkohë që largimi i kryeministrit maqedonas mund ta rikthej këtë vend në situatën e tensionuar të tre viteve më parë.

Mediat gjermane raportojnë gjithashtu për një presion gjithnjë e në rritje të kancelares Merkel ndaj presidentit Macron, që ky i fundit të bëjë lëshime për Shkupin dhe të pranojë hapjen e negociatave. Ajo kërkon një shpërblim për shtetin ballkanik, pas marrëveshjes që nënshkroi me Greqinë. Berlini dhe Brukseli i druhen gjithashtu rikthimit të Rusisë në Maqedoninë e Veriut.

Ndërkohë, ky qëndrim i Zoran Zaev nxjerr zbuluar kryeministrin e Shqipërisë, Edi Rama, i cili ka dështuar dy herë radhazi për të hapur negociatat me Bashkimin Evropian. Ndryshe nga fqinji i tij, Rama duket se as nuk e çon në mend dorëheqjen, pavarësisht dështimeve të vazhdueshme në prioritetin kombëtar, avancimin e rrugës drejt BE-së.

Qeveria e Ramës i ka varur tashmë shpresat te Maqedonia e Veriut, e cila mund të tërheq edhe Shqipërinë në procesin e negociatave me BE-në.

Të fundit