A janë akoma filmat të gjatë?

Amerikanët duan filma më të shkurtër, sipas një studimi të ri, gjatësia ideale e një filmi është vetëm 88 minuta.

Ky është përfundimi i një sondazhi të ri të kryer nga Talker Research me 2000 persona, i cili tregon se amerikanët duan të kalojnë më pak kohë në sallat e kinemasë.

Sipas rezultateve, gjatësia mesatare ideale e një filmi është pak më pak se një orë e gjysmë. Vetëm 10% e amerikanëve mendojnë se një film duhet të zgjasë dy orë ose më shumë, ndërsa vetëm 3% thonë se filmat duhet të zgjasin mbi dy orë e gjysmë.

Durimi i shikuesve duket se po pakësohet me kalimin e viteve. Talker Research zhvilloi të njëjtin sondazh edhe në vitin 2024, kur gjatësia ideale mesatare e një filmi ishte 92 minuta.

Kur rezultatet u analizuan sipas brezave, u vu re një lidhje e qartë mes moshës dhe durimit. Shikuesit më të moshuar janë më të gatshëm të shohin filma më të gjatë. Brezi i "baby boomers" e konsideron ideale një kohëzgjatje mesatare prej 93 minutash.

Të gjitha brezat e tjerë preferojnë filma me më pak se 90 minuta. Brezi X zgjedh mesatarisht 89 minuta.

Te mijëvjeçarët (Millennials), koha ideale bie në 86 minuta.

Ndërsa rënia më e madhe vihet re te Brezi Z, i cili e konsideron ideale një film me vetëm 82 minuta.

A do të ndikojë kjo në filmat e kësaj vere?

Vetëm dy nga premierat më të njohura të kësaj vere i afrohen kohëzgjatjes ideale:

Minions and Monsters – 90 minuta

Jackass: Best and Last – 92 minuta

Toy Story 5 zgjat 102 minuta, rreth 15 minuta më shumë se koha ideale sipas sondazhit dhe është dukshëm më i gjatë se filmi i parë Toy Story i vitit 1995, i cili zgjaste vetëm 81 minuta.

Në anën tjetër, filmat më të mëdhenj të verës vazhdojnë të mbajnë shikuesit në kinema për shumë më gjatë.

Disclosure Day, me regji të Steven Spielberg, zgjat 145 minuta, pra pothuajse një orë më shumë se gjatësia ideale prej 88 minutash.

Edhe Spider-Man: Brand New Day zgjat plot 150 minuta, ose dy orë e gjysmë.

Ndërkohë, The Odyssey, filmi i ri me shumë yje i Christopher Nolan, është një maratonë e vërtetë me 172 minuta, pothuajse dyfishi i kohëzgjatjes ideale sipas sondazhit.

Për ata që preferojnë një film afër kufirit prej 88 minutash, disa zgjedhje të mira janë:

 The Lion King (1994)

 Zombieland (2009)

 The Producers (1967)

 Airplane! (1980)

Si krahasohen filmat e kësaj vere me gjatësinë "ideale" prej 88 minutash?

Minions & Monsters 90 min (+2)

Jackass: Best and Last 92 min (+4)

Toy Story 5 102 min (+14)

Supergirl 108 min (+20)

Moana (live action) 115 min (+27)

The Devil Wears Prada 2 119 min (+31)

Disclosure Day 145 min (+57)

Spider-Man: Brand New Day 150 min (+62)

The Odyssey 172 min (+84)

Metodologjia e studimit

Talker Research anketoi 2000 amerikanë të rritur që kanë akses në internet. Sondazhi u zhvillua online nga 11 deri më 17 qershor 2026.