Babai plagos vajzën e mitur me thikë, arrestohet në flagrancë vlonjati

Arrestohet në flagrancë një 50-vjeçar nga Vlora, pasi u kap në flagrancë duke ushtruar dhunë fizike ndaj djalit të tij dhe pasi plagosi në dorë me mjete prerëse (thikë) vajzën e mitur.

Sipas policisë, autori P.Sh.,ishte në gjendje të dehur kur ka kryer aktet e dhunës.

Njoftimi i policisë:

Ndërhyrja në kohë e Policisë parandalon një krim në familje.

Policia e Vlorës falë ndërhyrjes në kohë ka parandaluar përshkallëzimin e një konflikti familjar me pasoja të rënda.

Arrestohet në flagrancë shtetasi P.Sh., 50 vjeç, pasi në banesë, nën e efektin e pijeve alkoolike, ka ushtruar dhunë fizike ndaj djalit të tij dhe ka plagosur lehtë në dorë me mjete prerëse (thikë) vajzën e mitur.

Materialet hetimore iu referuan Prokurorisë Vlorë, për veprën penale ”Dhuna në familje”.