Bebe Rexha ka zbuluar se ka kaluar një makth të vërtetë nga shqetësimi për prindërit që i ishin infektuar me COVID-19. Në një intervistë për ‘Extra’, këngëtarja shqiptare u shpreh se e vuajti faktin që nuk ishte pranë tyre dhe ishte gati të merrte makinën për të bërë rrugën e vetme, nga LA në Neë York, vetëm për t’iu gjendur pranë.
Por pas refuzimit të prindërve, ajo hoqi dorë nga ky vendim që do të kishte rrezikuar edhe jetën e vetë këngëtares.
“Ata u infektuan… dhe ishin shumë të sëmurë për 3 javë, dhe u nervozova shumë. Isha duke menduar ta bëja të gjithë rrugën me veturë…të kujdesesha për ta … Ata ishin aq të gatshëm për të mos na pasur mua dhe vëllanë tim atje, por më në fund u bënë më mirë”, tha ajo.
Prej vitesh Bebe jeton në Los Angeles, ndërsa prindërit e saj banojnë në New York.
Financuar Nga Bashkimi Europian
