Flash News

Zjarr në Lurë, flakët rrezikojnë Parkun Kombëtar

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

Bota

Mbështetësit e Donald Trump mbushin rrugët në Uashington për inaugurimin e presidentit të ri

Politiko 20 Janar 2025, 14:44

Mbështetësit e Donald Trump mbushin rrugët në Uashington

Mbështetës të shumtë të Donald Trump, presidenti i ri i Shteteve të Bashkuara, kanë mbushur rrugët e Uashingtonit, duke sfiduar temperaturat e ulëta, në pritje të ceremonisë zyrtare të inaugurimit.

Në kushte të acarta, ceremonia po zhvillohet në ambiente të mbyllura, konkretisht në arenën “Capital One Arena”. Për të ndjekur nga afër ngjarjen historike, shumë qytetarë janë rreshtuar jashtë arenës që në orët e para të mëngjesit.

Aktivitetet e inaugurimit nisën me një shërbim tradicional në Kishën e Shën Gjonit, pranë Shtëpisë së Bardhë, një traditë që kanë ndjekur dhe shumë presidentë të mëparshëm të SHBA-së. Shërbimi filloi në orën 08:30 me orën lokale dhe tërhoqi vëmendjen e një sërë figurash të njohura.

Mbështetësit e Donald Trump mbushin rrugët në Uashington

Në mesin e të pranishmëve u vunë re ish-Prokurori i Përgjithshëm i SHBA Rudy Giuliani, Robert F. Kennedy, i cili është zgjedhur për të drejtuar Departamentin e Shëndetësisë, si dhe Tulsi Gabbard, e cila është caktuar për të drejtuar Drejtorinë e Inteligjencës Kombëtare.

Pritja për ceremoninë e betimit të presidentit Trump vijon me interes të madh si nga mbështetësit ashtu edhe nga mediat ndërkombëtare.

Të fundit