Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

“Celula anti-Rama”, Ylli Rakipi s’pret mirë provokimin e Nikoll Lesit

Politiko 2 Gusht 2019, 19:00
“Celula anti-Rama”, Ylli Rakipi s’pret mirë provokimin e

Para dy ditëve, botuesi i gazetës Koha Jonë, Nikoll Lesi postoi një foto nga arkivi i tij ku shfaqej me Andi Bushatin, Andi Bejten dhe Ylli Rakipin. Lesi argumentoi se fotoja është e kohëve të fundit dhe se po kuliset një celulë anti-Rama, me në krye Andi Bushatin.

‘Provokimi’ nuk është pritur mirë nga gazetari Rakipi, që në një reagim në portatin e tij, “Të Paekspozuarit”, shkruan se “rërgjigja tashmë është e zgjidhur. Shoku ynë Niko, ngaqë nuk funksionon mbi temperaturën 30 gradë, bashkon copëza që ia sjell kujtesa, në mënyrë krejt të pavullnetshme”, replikon Rakipi.

Reagimi i plotë:

Shoku ynë, shumë i dashur, por edhe shumë i mirë, Nikoll Lesi, ka botuar sot një lajmërim, të pajisur edhe me fotografi, ku tregon se gazetari Andi Bushati, ka ndërtuar një celulë anti-Rama me këtë përbërje:

Andi Bushati – Kryetar Celule

Andi Bejtja: Anëtar

Nikoll Lesi: Agjent informativ i Fugës

Ylli Rakipi: Anëtar

Ngjarjet në lajmin e Nikos, zhvillohen ditën e sotme, në datën 1 Gusht 2019, ndërsa ngjarja në formë dreke, e pasqyruar në fotografi, me këta katër personazhe, ka ndodhur shumë vite më parë, në një datë që nuk e mban mend asnjë nga pjesëmarrësit, kjo për shkak vetëm të rëndësisë ngrënëse, që ka patur ky takim.

Po pse vallë e ka bërë shoku ynë shumë i dashur dhe shumë i mirë Niko, këtë status-fotografi?

Përgjigja tashmë është e zgjidhur. Shoku ynë Niko, ngaqë nuk funksionon mbi temperaturën 30 gradë, bashkon copëza që ia sjell kujtesa, në mënyrë krejt të pavullnetshme.

Në këtë rast, Andi Bushati, i shtrirë në një shezllon në Qerret, kur e pa veten kryetar celule, qeshi për disa minuta dhe bëri këtë status:

“Hedh Nikolle Lesi nje gur ne lume dhe s’mbetet media nje burimshe pa e marre si te vertete…hajde mos i jep te drejte “viktimes se ketij komploti” per paketen “antishpifje””

Të fundit