Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Çfarë thanë Rama dhe Basha për Reformën Zgjedhore; SHBA, BE dhe Britania e Madhe takon Këshillin Politik

Politiko 2 Qershor 2020, 14:04

Çfarë thanë Rama dhe Basha për Reformën Zgjedhore;

Ndërsa vijojnë negociatat për një marrëveshje për Reformën Zgjedhore, treshja e ambasadorëve të SHBA, BE dhe Britanisë së Madhe sot pritet të takohen me palët përfaqësuese të PS, PD, LSI dhe opozitës parlamentare në Këshillin Politik, përkatësisht Damian Gjiknurin, Oerd Bylykbashin, Petrit Vasilin dhe Rudina Hajdarin.

Takimi mes tyre pritet të zhvillohet në orën 17.00, ndërsa një ditë më parë ambasadorët Yuri Kim, Luigi Soreca dhe Duncan Norman takuan në selinë e PD, kreun e opozitës, Lulzim Basha, një ditë pas skadimit të afatit të përcaktuar nga vetë palët për një marrëveshje për Reformën Zgjedhore.

Dje, ambasada e SHBA, përmes kryediplomatës Yuri Kim, apeloi palët që të ndalojnë vendosjen e kushteve të reja dhe se tani është koha për të mbajtur fjalën.

Ambasadori i BE, Luigi Soreca insistoi po ashtu se një marrëveshje e menjëhershme nga të gjitha palët politike në Këshillin politik, duhet të përfundohet tani që të nisin sa më shpejt bisedimet për çeljen e negociatave.

Reagimeve për çështjen e ‘zgjedhores’ iu shtua edhe ambasadori i Britanisë së Madhe, Duncan Norman. “Këshilli Politik u krijua për të sjellë një reformë gjithëpërfshirëse zgjedhore në Shqipëri, për të përmbushur kërkesat e ODIHR. Sot është dita për ta vënë popullin e Shqipërisë në vendin e parë dhe për të gjetur terrenin e përbashkët të nevojshëm për të ecur përpara vendin”, shkruan ambasadori i britanik.

Reagimit të ndërkombëtarëve iu shtua sot edhe Komisioneri për Zgjerimin, Oliver Varhelyi i cili kërkoi miratimin e reformës zgjedhore në mënyrë konsensuale, jo të njëanshme.

“Reforma elektorale në Shqipëri: Inkurajoj të gjitha palët, brenda dhe jashtë parlamentit, që të bëjnë sërish një përpjekje dhe të arrijnë një marrëveshje. Kjo është një reformë e rëndësishme që duhet të dhe do të ishte për të ardhur keq nëse ky moment do të humbej. Shpresoj për një marrëveshje: kjo është thelbësore”, tha komisioneri për zgjerimin.

Pas këtij mesazhi, kreu i PD deklaroi se opozita është e angazhuar, po kontribuon për ta përmbyllur reformën.

“Faleminderit Komisionerit Oliver Varhelyi për përkushtimin për konsensus të të gjitha forcave politike për reformën elektorale në Shqipëri: Opozita është plotësisht e angazhuar dhe po kontribuon për ta përmbyllur reformën me garanci të mjaftueshme për një proces të ndershëm zgjedhor. Kjo është e rëndësishme për të rikthyer besimin e shqiptarëve tek demokracia pas manipulimeve të rënda zgjedhore dhe skandaleve të blerjes së votave në zgjedhjet e shkuara dhe po kaq përcaktuese për përmbushjen e një prej kritereve të rëndësishme nga 15 kushtet për integrimin europian të Shqipërisë.”- u shpreh Basha

Rama: Nuk fitohen zgjedhjet me ligjin e reformës, jo e hijshme që në 2020-ën të ketë ambasadorë në seli partish për marrëveshje

Ndërsa vijojnë ende përpjekjet për arritjen e një marrëveshje për implementimin e Reformës Zgjedhore, kryeministri Edi Rama, duke kursyer komentet, ka deklaruar se nga ana e mazhorancës janë përmbushur të gjitha detyrimet për ndryshimet e reformës.

Sipas kryeministrit, problemi qëndron te palët që mendojnë se me ligjin e reformës fitohen zgjedhjet.

“Nga ana jonë mendojmë se produkti është aty dhe i plotësin kushtet , ka palë që mendojnë se me ligjin e reformës fitohen zgjedhjet, zgjedhjet fitohen me votën, apo me sisteme ato që ata i imagjinojnë si mrekullia, nuk është e vërtetë, është çështje garantimi standardesh”, tha Rama,

Po ashtu, shefi i qeverisë tha se nuk është e hijshme që në vitin 2020 ka ende nevojë për ndërhyrjen e ndërkombëtarëve për arritjen e një marrëveshje.

“Me vjen keq që në 2020 të ketë ambasadorë që hyjnë e dalin në seli partish për negociata. Mendoj se do duhet ta kishim bërë vetë këtë, por duke qenë se palët e tjera kanë nevojë për këtë element edhe për garanci, nuk ka problem”, tha Rama.