Gjermania ka shumë të ngjarë që t’i japë dritën jeshile Maqedonisë së Veriut sa i përket hapjes së negociatave me BE-në, ndërkohë që Shqipëria mund të duhet të presë edhe më shumë. Sipas anëtarit të grupit parlamentar të CDU-së, Gunther Krichbaum, përpjekjet e vendit fqinj ballkanik po shikohen me mjaft pozitivistet në Bundestagun gjerman, që zyrtarisht duhet të vendosë çeljen e negociatave në fund të shtatorit.
“Prandaj unë jam i bindur, edhe pse mund të fals vetëm për Bundestag-un, jo për parlamentet në Evropë se do të ketë një zgjidhje pozitive për Maqedoninë e Veriut”, tha Krichbaum për Deutshe Welle.
Deputeti i CDU-së tha se nuk kemi të bëjmë me një çështje të ndarjes midis Maqedonisë së Veriut dhe Shqipërisë.
“Në fund, kjo nuk do të thotë se të dyja vendet nuk do të nisin negociatat në të njëjtën kohë. Mos harroni që ky është vetëm hapi i parë e pastaj hapja e kapitujve vazhdon. Mund të ndodhë, por nuk ka pse të jetë kështu. Për këtë arsye është e rëndësishme të respektojmë principin e meritës së secilit të BE-së dhe të kemi secilin shtet të vlerësohet në bazë të meritave të veta.”, tha deputeti.
Ndërkohë, ministri për Çështjet Evropiane i Gjermanisë, Michael Roth, publikoi në Twitter një status ku shprehte mbështetjen e tij për Maqedoninë e Veriut, pasi takoi homologun vet, Nikola Dimitrov dje.
“Maqedonia e Veriut meriton një mesazh të qartë nga BE-ja. Le të nisim bisedimet për hapjen e negociatave tani. Falënderoj Nikola Dimitrov-in për përkushtimin e fortë pro-evropian dhe miqësinë e vërtetë. Ti dhe shteti yt mund të kini besim te ne, i dashur Nikola!”, shkroi Roth.
Komisioni Evropian rekomandoi hapjen e negociatave për hyrjen në BE me të dyja vendet ballkanik këtë vit, por disa shtete të unionit, si Franca dhe Holanda hezitojnë ta ndërmarrin këtë hap.
Kurse zërat pro hapjes së negociatave vlerësojnë normalizimin marrëdhënieve me Greqinë dhe performancë të mirë në zbatimin porosive të vendosura nga KE-ja.
Discussion about this post