Deputeti i Partisë Demokratike, Tritan Shehu flet për një tjetër vijë të kuqe të vendosur ndaj shqiptarëve nga SHBA, pas votës në OKB. Sipas Shehut, paralajmërimi i Uashingtonit për shfuqizimin e Gjykatës Speciale në Kosovë është një “vijë e dytë e kuqe”. Ai kërkon nga Prishtina që të mos përsërisë gabimin e Tiranës kur votoi kundër SHBA-së në OKB sepse do të vihen në rrezik arritjet historike të këtyre 25 viteve.
Deputeti Shehu kërkon edhe reagimin e Tiranës për vendimin e tre partive kryesore për shfuqizimin e ‘Speciales’.
Reagimi:
KUJDES KOSOVA: SHFUQIZIMI I “GJYKATËS SPECIALE” DO TË ISHTE PËRSËRITJE E VOTËS TRAGJIKE TË SHQIPËRISË NË OKB!
Një tjetër paralajmërim i ashpër arrin nga SSBA ndaj shqiptarëve, duke i vendosur një “vijë të dytë të kuqe”.
E para kishte të bënte me votën në OKB për atë Rezolutë. Fatkeqësisht ne nuk ditëm të respektojmë e mbështesim miqtë e mëdhenj, dhe kjo nuk do të kaloje pa pasoja serioze.
E dyta ka të bëje me përpjekjet që po bëhen në Prishtinë për shfuqizimin e “Gjykatës Speciale”, me pasoja tejet të renda kjo për të ardhmen e Kosovës.
Unë nuk e di nëse mbas të dy rasteve fshihet e njëjta “regji”, por dyshime të bazuara lindin.
Prej kohësh në Ballkanin Perëndimor kanë ripenetruar e riaktivizuar faktorë, që duan të mbajnë shqiptarët larg Familjes Europiane e Perëndimore.
Kujdes, kështu vëmë në rrezik arritjet madhështore e historike, që shqiptarët arritën në këto 25 vite, si asnjë popull tjetër në rruzull, të pa mundura këto pa përfshirjen totale të ShBA e të disa vendeve të BE!
NUK PO KUPTOJ: PSE QEVERIA JONË QË NUK HUMB RAST PA MARRE POZA PATERNALISTE, PO HESHT KËTO DITË!?
Financuar Nga Bashkimi Europian
