Flash News

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

Nis numërimi i votave në Pustec, përfshihen edhe votat e diasporës

Zyra sekrete e patronazhistëve të PS, mes tyre drejtoresha e Agjencisë së Ekselencës

Me kapuç në kokë/ PD publikon videon e patronazhistëve që ikin me vrap

Zgjedhjet 2025, përfundon zyrtarisht orari i votimit

Ditari i Maxhorancës

Rama kujtohet për të drejtat e gazetarëve shqiptarë, mohon censurën dhe gjobvënien: Janë gjepura

Politiko 24 Mars 2023, 09:30

Rama kujtohet për të drejtat e gazetarëve shqiptarë, mohon

“Presioni politik, korrupsioni dhe mungesa e fondeve kufizuan median e pavarur të shkruar dhe gazetarët thuhet se kanë praktikuar autocensurë”. Ishte ky citimi që DASH bënte në raportin e fundit mbi lirinë e medias dhe shtypit në Shqipëri.

Kryeministri Rama është kritikuar shpesh për fjalorin e tij denigrues dhe gjuhën linçuese ndaj gazetarëve, në konferenca shtypi e takime, si edhe për ‘riedukimin’ e tij 90-ditor. Nga Londra, Rama është kujtuar të sjellë në vëmendje të drejtat e gazetarëve shqiptarë, teksa mohon të ketë një censurë ndaj tyre.

Ai e quan “gjepur” mungesën e lirisë në media, duke hedhur poshtë atë që raportet ndërkombëtare dhe shoqatat e mediave kanë deklaruar vazhdimisht.

“Ka nje stereotip, nëse je gazetar në shqipëri nuk mund të thuash atë që mendon dhe kjo është e gabuar. Unë nuk pranoj nga askush epërsi morale kur vjen puna për një çështje të caktuar, unë kam përgjigjet e mia, ju si gazetar keni pyetjet tuaja. Çdo akuzë që të shkon nëpër mend, të thuash që kjo është mungesë e lirisë është një gjepur.

Ka një problem të madh me pagat e gazetarëve në shqipëri. Ata janë të nënpaguar dhe paguhen me para në dorë e keshtu me rradhë. Ka një përzierje mes lirisë së medias dhe detyrimeve publike qe ajo ka. Gazetarët mund të drejtojnë çfardo pyetje që duan, nuk i ndalon askush, unë kam rrezikuar jetën për lirinë e fjalës në shqipëri. Mos pretendoni që unë të pranoj çfardo gjepure sepse nuk mundem”, tha Rama.

Po ashtu, ai mohon të ketë gjobvënie ndaj mediave, në një kohë kur vetë raporti i DASH pak ditë ë parë fliste për persion politik ndaj mediave.

“Organet mediatike gjobiten në shqipëri?  Më jepni një shembull. Në shqipëri gjobiten pronarë mediash që kryejnë evazion fiskal ose nuk paguajnë taksat, sigurime shoqërore dhe detyrime publike, për mua janë dy gjëra të ndryshme. Ne asnjëherë nuk kemi gjobitur një media pa arsye”, deklaroi Rama.

Të fundit