Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama, ultimatum Policisë: Keni 100 ditë afat të gjeni të infiltruarit dhe t'i çoni para drejtësisë. Si do t’i godasim burrat e dhunshëm

Politiko 8 Korrik 2021, 11:16

Rama, ultimatum Policisë: Keni 100 ditë afat të gjeni të

100 ditë afat iu ka vendoisur kryeministri Edi Rama drejtuesve të Policisë së Shtetit që të gjejnë dhe të çojnë para drejtësisë të gjithë të infiltruarit brenda uniformave blu, që bashkëpunojnë me krimin.

Kryeministri gjatë mbledhjes me drejtuesit e Policisë së Shtetit tha se pas 100 ditëve qytetarët të marrin frymë shumë të plotësuar, duke e parë Policinë e Shtetit në një nivel tjetër. Rama tha më tej se çdo qark duhet të japë patjetër rezultat, për të dhënë shembujt e qartë se nuk ekziston pandëshkueshmëria në Policinë e Shtetit.

“Nuk ka arsye që një qytetar e ndalon dhe i kërkon lekë. Që e ndalon dhe në sy të fëmijëve dhe gruas i bën atë presionin miserabël të pengmarrësit në mes të rrugës. Forca e shembullit tuaj është themeli i kësaj faze të re. Nëse do qëndroni në shembullin tuaj dhe do i ndiqni të gjitha prioritetet tuaja, brenda pak kohe gjithcka do fillojë të lëvizë për të arritur në një nivel të ri.

Unë dua t’iu them se keni 100 ditë kohë për ta rivënë të gjithë trupën në angazhim maksimal nga i pari tek i fundit. Asnjë ditë më shumë, vetëm 100 ditë! Që qytetarët të marrin frymë shumë të plotësuar, duke e parë Policinë e Shtetit në një nivel tjetër. Asnjë shkencë, asnjë shpikje, asnjë luftë me një të panjohur, thjesht dhe vetëm gjërat që i dini, që dini t’i bëni mirë, se ndaj jeni zgjedhur, gjërat që njerëzit duan si themelin e marrëdhënies me shtetin dhe policinë e tyre. Kjo duhet bërë në respektin e vetes, të masës dërrmuese të trupës që është korrekte dhe që nuk ka pse i paguan kostos një pjesë që duhet zhdukur nga Policia e Shtetit dhe që duhet të shkojë para drejtësisë. Në çdo qark, në 100 ditë, duhen dhënë shembujt e qartë, që nuk ka polici pa ndëshkueshmëri. Ju nuk e keni fare problem t’i gjeni, t’i kapni për krahu e t’i çoni para drejtësisë. Ky është një objektiv i palëvizshëm. Në çdo qark, policë rrugorë, komisarë, shqiponja, skifterë, qakej, që rrinë si të infiltruar brenda trupit, duhet të shkojnë para drejtësisë”, tha Rama.

Kryeministri foli dhe përsa i përket dhe dhunës në familje. Rama tha se s’mund të ketë më policë që shpërfillillim dhunën ndaj grave dhe për këtë arsye nënvizoi se duhet të ketë persona përgjegjës në çdo komisariat për dhunën në familje.

"Prioriteti i fundit është vënia në përdorim me një standard tjetër, me një teknologji më të avancuar dhe me një protokoll më rigoroz i komisariatit digjital. Komisariati digjital ka qenë një ndihmë shumë e madhe dhe tani kemi mundësi ta çojmë në një nivel tjetër, në mënyrë që qytetarët t’i kenë komisariatet në xhep. Te komisariati digjital do përmend një element shumë shqetësues, denoncimet për dhunën në familje. Është shumë shqetësuese që Policia e Shtetit ka një ndjeshmëri të ulët ndaj këtij fenomeni. Është shumë shqetësuese që në komisariate të caktuara shpërfillen totalisht klithmat e grave, që dhunohen, e vajzave që dhunohen, në familje. Shpërfillen totalisht vuajtjet dhe dhimbjet e patregueshme të atyre që mund të ishin gra, motrat e secilit prej jush e prej nesh. Kjo është e pakomentueshme. Në këtë aspekt duhet ndërtuar brenda për brenda gjithë sistemit një rrjet me persona përgjegjës, jo një çështje mes çështjeve të tjera. Çdo komisariat do të ketë një rrjet me persona përgjegjës, që të merret me dhunën në familje dhe çdo thirrje të trajtohet me maksimumin e përkushtimit, për ato gra e vajza, që në fund fare përfundojnë në tehun e sëpatës. Nuk mund të ketë në asnjë rast dhe për asnjë arsye mirëkuptim me burrat në këtë fushë. Policia e Shteti nuk mund të jetë një kopje karikaturë e atyre gjykatave e gjykatësve që bëjnë kërdinë në kurriz të grave e vajzave, duke marrë lekë nga abuzuesit, duke i nxjerrë të lirë direkt në sallë dhe duke i hedhur prapë në fyt të bashkëshorteve apo të vajzave, që dhunojnë." tha Rama.