Flash News

Denoncon Luan Baçi: Një kuti votimi ka ardhur me 500 fletë votimi mangët

I shoqëruar nga familja, Berisha voton në QV-në e shkollës “Kosova”

Skandal në Petrelë/ Gjeten në rrugë një tufë kartash ID të qytetarëve

Finiq/ Mosparaqitja e komisionerëve bllokon votimin, policia niset për t’i marrë

Probleme edhe në Shijak/ Pajisja biometrike nuk njeh shenjat e gishtërinjve të votuesve

Ditari i Opozitës

Berisha: Ne jemi parti e taksave të ulta, zero tolerancë ndaj korrupsionit

Politiko 19 Shtator 2023, 12:09

Berisha: Ne jemi parti e taksave të ulta, zero tolerancë ndaj

Kreu i demokratëve Sali Berisha tha nga takimi me bizneset në Kukës se PD është parti e taksave të ulta. Berisha u shpreh se do t’i jepet fund situatës me infrastrukturën dhe do t’i rikthehen standarteve të mira të prokurimit me zero tolerancë ndaj korrupsionit dhe krimit të organizuar.

Kryedemokrati mori shembullin e Rrugës së Kombit për të cilën qytetarët paguajnë dhe taksë dhe ndërtimin e Unazës së Madhe.

Berisha: Së fundmi ne jemi, ju e dini, parti e taksave të ulëta. Në parimin tonë, taksa e lartë është e dëmshme. Sepse paratë në llogarinë bankare të biznesit, janë më të dobishme për shoqërinë se në llogarinë bankare të shtetit.

Po ju jap një shembull. Duke ardhur Rrugës së Kombit, m’u kujtua. Rruga e Kombit ka marrë përafërsisht dy vite, dy vite e pak. Mos harroni kur dëgjoni lajmet për Unazën e Tiranës. Ajo është gjithsej 25 km, një projekt i trashëguar nga qeveria komuniste e Adil Çarçanit. Gjurma e saj është e miratuar nga ajo qeveri.

Unaza e Madhe në vitin 2012-2013 e ndërtuam 7.5 kilometra. Mbetën edhe 17.5 kilometra. Edhe sot, pas 10 vitesh, ajo nuk ka përfunduar.

Sot, pas 10 vitesh, nëse 7.5 kilometrat e para me gjithë veprat shkuan në 3 milionë euro kilometri, sot ndërtojnë me 24 mln euro kilometri. Dhe e copëtojnë në lote që të vjedhin në çdo lot sa më shumë. Sot, 2.2 milionë euro të shpenzuara në rrugë u janë dhënë 5 kompanive. Të gjitha klientelë e Edi Ramës, me të cilin ndan paratë.

Kjo situatë merr fund. Ne rikthehemi në standardet më të mira të prokurimeve, rikthehemi te një luftë me zero tolerancë ndaj korrupsionit dhe krimit të organizuar. Rikthehemi gjithashtu, e them këtu, te një shpërndarje shumë më e drejtë e të ardhurave në Shqipëri.

Nuk mundet që kaskada të jetë kontributori më kryesor në prodhimin e brendshëm dhe buxhetin e shtetit dhe banorët e saj të mos përfitojnë një qindarkë. Kur ua thashë njëherë në parlament, u ngrit ajo Ballukja e tha se aty kanë investuar të gjithë. Kanë investuar të gjithë, por pasuria ka qenë e tyre.

Të fundit