Flash News

Vrasja në Tale, identikohet autori i ekzekutimit të Pjetër Kazajt

Hidhet shorti, gjyqtarja Elsa Ulliri do të gjykojë dosjen “Partizani”

Plagosja e 15-vjeçarit te “Ali Demi”/ Shpallet në kërkim autori dhe pronari i picerisë, arrestohen 3 punonjësit

Digjen dy automjete në Maliq, dyshohet për zjarrvënie të qëllimshme

Provimi i Gjuhës së Huaj, të martën nisin zyrtarisht 'ethet' për maturantët

Ditari i Opozitës

Berisha: Kukësi është rrethi më i varfër në Europë, shkak i politikave që janë ndjekur

Politiko 19 Shtator 2023, 11:34

Berisha: Kukësi është rrethi më i varfër në

Kreu i demokratëve, Sali Berisha ka zhvilluar sot një takim me bizneset në Kukës. Gjatë takimit Berisha u shpreh se Kukësi ka mbetur qarku më i varfër për shkak të politikave që ka ndjekur qeveria.

Kryedemokrati u shpreh se Kukësi ka resurset më të pasura natyrore, por qeveria ka zbatuar politika të tilla që e kanë lënë në vend numëro qarkun.

Berisha: Është kënaqësi të diskutoj me ju problemet themelore të një shoqërie, problemet e biznesit, në prani të kandidatit, kryetarit të ardhshëm të Bashkisë së Kukësit, zotit Emri Vata. Kukësi, banorët e Kukësit dhe të Qarkut të Kukësit, janë sot më të varfrit në Europë.

Këtu ne jemi në qarkun më të varfër të Europës. Dhe këtu, ne nuk jemi në qarkun më të varfër të Europës se lumjanët, se kuksianet nuk janë punëtorë. Absolutisht e kundërta është. Këtu nuk jemi në qarkun më të varfër të Europës se ky rreth, kjo trevë nuk ka potenciale dhe resurse ekonomike të mëdha.

Kukësi ka resurse natyrore, ekonomike sa për shumë herë banorët. Resurset ekonomike të Kukësit janë një kontribut i madh në ekonominë shqiptare. Por Kukësi është qarku dhe rrethi më i varfër në Europë, për shkak kryekëput të politikave që janë ndjekur ndaj këtij rrethi, ndaj këtij qarku.

Pra, nëse sheh vetëm çfarë ka mbi tokë, këtu janë potencialet malore turistike më të mëdha të Shqipërisë, ndër më të mëdhatë në Ballkan. Duke filluar nga Nikaj-Mërturi, duke përfunduar në Pëshkopi, në Korab.

Por nëse hedh sytë, zhvillimit të këtij sektori, ky sektor për të mos thënë është inekzistent, nuk është më shumë se 10 përqind të të gjithë kapacitetit të tij. Kukësi ka rezerva të mëdha minerale, por si të gjitha rezervat e tjera nëntokësore, ato nuk janë shndërruar dhe nuk shndërrohen në të mira për qytetarët, për banorët e tyre. Keni dëgjuar ju këto ditë të flitet për naftën e Shpiragut. Në mentalitetin dhe psikoligjinë e vjetër, duan ta paraqesin si lugën e artë. E vërteta është se Shpiragu ka naftë dhe e ka sanksionuar Shell që në shpimin e parë në vitin 2012. Edhe tre shpimet e tjera e kanë konfirmuar.