Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Mori 520 mln euro nga rritja e çmimeve”, Berisha: Vetëm me vjedhjen 9 mujore, Rama mund të dyfishonte pagat dhe pensionet

Politiko 20 Janar 2023, 20:08

“Mori 520 mln euro nga rritja e çmimeve”, Berisha: Vetëm

Kreu i PD, Sali Berisha akuzon kryeministrin Edi Rama se tallet me cinizëm me njerëz që numërojnë kafshatën.

Nga Elbasani, Berisha tha se Rama përfitoi nga xhepat e qytetarëve me rritjen e çmimeve me bordet e tij, gjysmë miliardë euro, 520 mln euro. Duke iu referuar të dhënave nga KLSH, Berisha shton se vetëm me vjedhjen 9 mujore Rama mund të dyfishonin pagat dhe pensionet.

Berisha: Diktatura e Enver Hoxhës, u privoi lirinë shqiptarëve, por Edi Rama e shndërroi lirinë në fiktive për shqiptarët, sepse aty ku qytetari nuk voton i lirë zbrazëti. Aty ku qytetari humbet besimin tek dheu i tij dhe merr vendim të largohet nga gjiri i tij dhe i komunitetit, aty nuk ka më besim, por një shkretëtirë të vërtetë që të shkojë drejt një fati të paditur.

Pse të gjitha këto, sepse ky njeri, individ me klanin e tij, vjedh dhe vetëm vjedh.

Qytetarë dhe qytetare ne ishim në vitin 2005 me rrogat në Ballkan dhe në vitin 2013 përfunduam me votat më të larta se Ballkani dhe Hungaria e Bullgaria. Ne ndërtuam mbi 11 mijë kilometra rrugë. Nuk them se nuk kishte korrupsion, por ishte qindra herë më i ulët, më i pakrahasueshëm se ky që është sot.

Çfarë u tha pensionistëve për pakon e madhe. Çdo epitet mund ti vendosësh këtij njeriu, ky tallet me cinizëm me njerëz që numërojnë kafshatën, me njerëz që kanë shkrirë energjinë mendjen e tyre në një jetë të tërë. Në vend që sot të kishin një pension të paktën 3 herë më të lartë dhe sot ai premton dhe mendon se do të ju mbushë mendjen me pakon e madhe. Askush nuk ka qenë më vulgar, cinik dhe i pashpirt se ky. Çfarë pako e madhe? Me vjedhjen e dytë të madhe.

Vetëm nga xhepat e qytetarëve me rritjen e çmimeve me bordet e tij, mori gjysmë miliardë euro, 520 mln euro. 80 milionë tha po ua kthej dhe ato duke u vjedhur, të tjerat i futën në kontot ofshorë, në dyshekë, tubat e aspirimit. I futën ku i futën këta faqezinj që nuk kanë nder as moral, por përzënë çdo ditë popullin nga Shqipëria.

KLSH-ja thotë se në 9 muaj këta vodhën 122 miliardë lekë. Por a e dini ju sa është fondi vjetor i pagave në Shqipëri? Është gjithsej 97 miliardë lekë. Pra vetëm me vjedhjen 9 mujore mund të dyfishonin pagat dhe pensionet.

Të fundit