Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

NATO paralajmëron Vuçiçin/ Berisha: Qëndrim për t’u përshëndetur, si vllau i Ramës e ka vendin në Hagë

Politiko 6 Nëntor 2022, 10:56

NATO paralajmëron Vuçiçin/ Berisha: Qëndrim për

Partia Demokratike ka reaguar pas situatës mes Kosovës dhe Serbisë, ku përshëndet vendimin e NATO-s, e cila paralajmëroi Aleksandër Vuçiç që të mos nxisë tensione.

Kujtojmë që pasi qeveria e Kosovës nisi zbatimin gradual për çështjen e targave, serbët u larguan nga insititucionet e Kosovës. Në deklaratën e PD-së, thuhet se “Presidenti i serbo-madhisë dhe si vllau i Edi Ramës, Aleksandër Vuçiç është një rrezik serioz, i pakorrigjueshëm, për paqen dhe stabilitetin në rajon”.

Kryedemokrati Sali Berisha dënon përpjekjet e “Putinit të vogël” për të ndezur konflikt të ri në rajon. Në të njëjtën linjë me qëndrimin e NATO-s, Berisha thotë se ëndërra për “Serbinë e Madhe” është “varrosur” njëherë e përgjithmonë.

Deklarata e plotë:

Presidenti i serbo-madhisë dhe si vllau i Edi Ramës, Aleksandër Vuçiç, urdhëroi dje serbët në Kosovë që të braktisin institucionet shtetërore të vendit, policinë, parlamentin etj.

Ky urdhër nga serbo-madhi dhe luftënxitësi Vuçiç, u dha vetëm sepse qeveria e Kosovës, në zbatim të marrëveshjeve të Brukselit, zbatimin e të cilave gushtin e kaluar qeveria e Kosovës e shtyu edhe për rreth tre muaj dhe tani filloi një zbatim gradual të ndryshimit të targave të makinave të serëbve në Kosove, nga targa të Serbisë në targa të Republikës së Kosovës. Ndaj këtij akti të qeverisë së Kosovës, Vuçiç i’u përgjigj me kërcënime të hapura, vuri ushtrinë në gatishmëri dhe futi kriminel serb e rus, armatime të shumta në veriun e Kosovës si dhe urdhëroi serbët e Kosovës të largohen nga institucionet e vendit.

Të gjitha këto dëshmojnë se Aleksandër Vuçiç, njeriu që e ka vendin në Hagë, është një rrezik serioz, i pakorrigjueshëm, për paqen dhe stabilitetin në rajon. Ndaj këtyre qëndrimeve dhe luftënxitëse reagoi dje Zv/Sekretari i Përgjithshëm i NATO-s, duke ia bërë të qartë Vuçiçit se Aleanca e Atlantikut të Veriut ishte e gatshme të ndërhynte në mbrojtje të Kosovës dhe stabilitetit të saj.

Partia Demokratike mbështet plotësisht dhe përshëndet qëndrimin e NATO-s si dhe dënon me ashpërsinë më të madhe përpjekjet e “Putinit të vogël” për të ndezur konflikt të ri në rajon. Ajo paralajmëron serbo-madhin Vuçiç se ëndrrat e tij të “Serbisë së Madhe” janë varrosur njëherë e përgjithmonë në Kosovë dhe se ndaj çdo akti agresioni të tij, shqiptarët do të reagojnë si komb i vetëm.