Rama s’ia besojë Tiranën Veliajt, Këlliçi: Kalkulime politike, kryeqyteti është sot një kosh mbeturinash

Kreu i Partisë Socialiste Edi Rama, ndryshe nga 2 herët e shkuara, kësaj here i ka shtuar Tiranës Spiropalin dhe Manastirlun, përpos Erion Veliaj.

Kjo ishte një lëvizje e cila u komentua shumë, teksa të shumtë ishin ata që ngritën pyetjen se pse kësaj here Rama nuk ia besoj kryeqytetin Veliajt.

I pyetur për këtë fakt, i përzgjedhuri i Partisë Demokratike, Belind Këlliçi ka thënë për Politiko.al se arsyeja kryesore e Ramës ka qenë kalkulimet e tij politike.

“Se cila është arsyeja që Edi Rama nuk ja la Tiranën Veliajt këtë radhë unë nuk e di. Dhe nuk është mirë që të hyjë në aludime të tilla.

Por po të shohësh bilancin katastrofik të qytetit Tiranës, po të shohësh faktin që Tirana sot është kthyer në një gangrenë të madhe, në një kosh mbeturinash, po të shohësh rrugët e Tiranës rrugicat janë mbushura me plehra, po të jetosh sot në Tiranë e kupton që ky qytet prodhon shumë nervozizëm prodhon pesimizëm , prodhon depresion, prodhon urrejtje dhe kjo falë politikave të betonit dhe shkatërrimit dhe të vjedhjes së Erion Veliajt.

 Mos harroni qyteti i Tiranës sot është një qytet i cili ka ajrin më të ndotur të Europës, është qyteti më i betonizuar në Europë, është një qytet në të cilin është shembur teatri kombëtar nga vetë Erjon Veliaj , është një qytet që ka shkatërruar trashëgiminë e tij kulturore,  qytet i cili nuk ofron asgjë për qytetarët , për turistët dhe për të rinjtë dhe kjo në gjykimin tim është arsyeja se përse Edi Rama ka vendosur që ta ndëshkojë Veliaj duke e emëruar së bashku me manastirin dhe Elisa Spiropalin.

Por mendoj që arsye kryesore janë kalkulimet e tij politike  pasi mos harroni që Veliaj ka dhënë një mesazh qartë Edi Ramës në vitin 2021 ku Rama përzuri nga partia socialiste Fatmir Xhafën  duke e listuar në një pozicion humbës në garë dhe e gjithë 5D dhe drejtorët e 5D, punuan së bashku me Veliajn për të nxjerrë deputetë dhe përkthyer hersin, Fatmir Xhafa në Tiranë dhe gjë që ndodhi dhe i riktheu Edi Ramës, Fatmir Xhafën skenën politike.

 Kështu që thënë këtë, kam përshtypjen se kombinimet politike, kalkulime, shifrat janë arsye reale pse Rama ka goditur Erion Veliajn duke e spostuar nga të qenurit personi në krye të punëve të Tiranës.”

 

Pergatiti: Neta Fero