Xhaferri: Heshtja e SPAK për Ramën, “çelësi kopil” që zbërthen të gjitha dosjet e SKY ECC dhe të korrupsionit!

Nga Besart Xhaferri

Si sot një vit më parë lideri i opozitës Sali Berisha u vendos nën masën e sigurisë “arrest shtëpie” me kërkesë të SPAK për dosjen politike Partizani, masë në të cilën qëndroi 333 ditë, duke penguar kështu mbarëvajtjen e aksionit opozitar në ditët më të errëta për vendin.

SCY ECC si kurrë më parë ekspozoi lidhjet krim-politikë-biznes dhe Edi Ramën si kumbar të këtij trekëndëshi që në 11 vite ka prodhuar vetëm varfëri, kriminalitet dhe eksod.

Edi Rama, është çelësi kopil që zbërthen çdo dosje të ardhur nga partnerët ndërkombëtar, por edhe dosjet e korrupsionit, duke nisur nga inceneratorët te sterilizimi.

Në dosjen Çyrbja, ku përgjimet faktuan se krimi diktoi kandidatin e tretë në listën e firmosur nga Edi Rama, pasqyrohet më qartë se kudo fuqia e krimit për të diktuar zyrtarë në nivele të larta dhe ai që i firmos këto urdhra të bandave është Edi Rama. SPAK ende nuk e ka thirrur Edi Ramën.

Në dosjen e Suel Çeles, del emri i Edi Ramës, ku theksohet fakti se ushtari i tij në Elbasan, Taulant Balla, i donte bandat për vota, por SPAK nuk ka guxuar ta thërrasë atë që kishte emëruar Suel Çelën koordinator të institucioneve ligjzbatuese në Elbasan.

Në dosjen Metamorfoza për grupet e Shkodrës, emri i tij përmendet nga kriminelët, si njeriu që ka halë në sy atë që deri dje konsiderohej mbret i lojërave të fatit, e se në dorë të kujt janë lojërat e fatit llogarinë bëjeni vetë.

Në dosjen Revanshi ata që Edi Rama i kishte zgjedhur deputetë të Kuvendit të Shqipërisë ngrenë skuadra vrasësish dhe përgjakin vendin.

Në dosjen Partizani, është dokumenti me firmën e Ramës që tregon se ai ka bërë ndryshimin e destinacionit të truallit që më pas i hapi rrugë kompleksit Partizani. Për firmën e Edi Ramës, Sali Berisha qëndroi 333 ditë nën masën arrest shtëpie.

Në dosjen e Ilir Metës, del se Edi Rama ka pasur informacion për favore që kërkonin biznesmenë të ndryshëm dhe i ka kërkuar vartëses së tij Milena Harito, Ministre Inovacioni të vihej në lëvizje sa më shpejt.

Per dosjen McGonigal, për të cilën ish zyrtari i lartë i FBI është në dënuar në SHBA për paratë që ka marrë nga Edi Rama, ky i fundit nuk është thirrur ende nga SPAK , institucion që i kërkon llogari Belind Këlliçit për foton më Trump.

Në dosjen e Inceneratorëve për të cilën Edi Rama është pyetur në Komisionin Hetimor, rezulton se ai ka firmosur 17 VKM në një ditë dhe i ka dhënë bonus 8% një kompanie që nuk ekziston, duke i hapur rrugë kështu aferës më të rëndë financiare në vend, e për këtë SPAK nuk e ka thirrur pavarësisht apelit të Arben Ahmetajt.

Për PPP në shëndetësi, Edi Rama ende nuk është thirrur ndonëse përfituesit fundor janë ata që kanë financuar karrierën e tij politike.

Në dosjen 184 për masakrën zgjedhore në Dibër, emri i Edi Ramës del në përgjime, ose Babloku siç i referohen.

Në dosjen Profil i Ulët, e finalizuar nga drejtësia italiane, përfaqësues të Ndranghetas flasin për takime në zyrën e Kryeministrit për investime në kullat e Tiranës.

Një pyetje për Prokurorët e SPAK, Edi Ramën, kur do e thërrisni?