Flash News

E SHPJEGUAR

Leksionet që na dha Kosova për revolucionin e votës

Leksionet që na dha Kosova për revolucionin e votës

Kosova shkoi në zgjedhje të parakohshme pak ditë para ndërrimit të viteve 2020-2021 me vendim të Gjykatës Kushtetuese.

Së shpejti 14 shkurti, pra dita e djeshme u vendos ditë zgjedhjesh për Kosovën.

Ashtu siç pritej, qytetarët, por edhe partitë pjesëmarrëse iu drejtuan kutive të votimit, ndërsa brenda disa orësh Komisioni Qendror i Zgjedhjeve arriti të numërojë 99% të votave.   

Sipas Komisionit Qendror të Zgjedhjeve lëvizja Vetëvendosje ka fitoi mbi 47për qind të votave, e pasuar nga Partia Demokratike e Kosovës me 17.36 për qind, Lidhja Demokratike me 13.08 për qind dhe Aleanca për Ardhmërinë e Kosovës me 7.40 për qind.

Leksionet që na dha Kosova për revolucionin e votës

Komisioni Qendror i Zgjedhjeve tha se në zgjedhjet e së dielës morën pjesë 47 për qind e 1 milion e 794 mijë votuesve të regjistruar, një pjesëmarrje më e lartë sesa ajo në zgjedhjet e vitit 2019 kur votuan 44 për qind e votuesve të regjistruar.

Civilizimi i qytetarëve u tregua jo vetëm në pjesëmarrjen masive për të ushtruar të drejtën e tyre sovrane, por edhe në respektimin në masë të masave të pandemisë.

Leksionet që na dha Kosova për revolucionin e votës

Ata u bënë shembull për përtej kufijve duke u paraqitur me maska dhe duke respektuar distancën sociale.  

Kushteve të vështira iu bashkua edhe situata e rënduar e krijuar nga moti i acartë, por sërish kjo nuk i ndali zgjedhësit për të votuar rotacionin, që siç është parë deri më tani rezultati është pranuar nga nga opozita, ndërsa në dhjetë ditë fushatë nuk pati incidente. 

Pas më shumë se 10 vitesh në krye të Lidhjes Demokratike të Kosovës, Isa Mustafa, nuk ka priti shumë gjatë dhe është dorëhequr nga ky post duke e lënë partinë të dalë nga zgjedhjet me humbjen më të thellë në historinë e saj.  

LDK-ja në zgjedhjet e 14 shkurtit, përveç se është radhitur e treta, po ashtu ka dalë me një humbje të thellë e diferencë të madhe nga subjekti i parë, Lëvizja Vetëvendosje.

Leksionet që na dha Kosova për revolucionin e votës
Isa Mustafa

Kosova tregoi se nuk niset nga logoja e partisë për ta votuar, por nga individi dhe bindjet që ofron për t’i përfaqësuar ata.

Kujtojmë këtu rastin e Vjosa Osmanit, aktualisht ushtruesja e detyrës së Presidentes së Kosovës, e cila pas përplasjeve që pati në LDK, garoi me iniciativën e saj “Guxo”. Qytetarët refuzuan ofertat dhe figurat e vjetra dhe për pasojë, mandatuan VV-në e Kurtit si partia më rinore në Kosovë dhe fraksionin e V.Osmanit si krahu reformator i larguar nga LDK.

Kujtojmë se në mars të 2020-ës, qeveria e Albin Kurtit u rrëzua me mocion mosbesimi, e iniciuar nga partneri i koalicionit qeverisës, Lidhja Demokratike e Kosovës (LDK).

LDK nuk u pajtua me vendimin e kryeministrit Kurti për shkarkimin e ministrit të Punëve të Brendshme dhe Administratës Publike, Agim Veliu dhe e shkarkoi me arsyetimin se përhapi panik për përhapjen e koronavirusit si dhe “nuk qëndroi në një linjë me kabinetin qeveritar sa i përket shpalljes së gjendjes së jashtëzakonshme në Kosovë”.

Por, kreu i LDK-së, Isa Mustafa, tha se vendimi për shkarkimin e ministrit do të duhej të merrej pas konsultimit me të. Gjithashtu, inicimit të mocionit të mosbesimit Mustafa i shtoi edhe arsyetimin se Kurti po rrezikon marrëdhëniet e Kosovës me SHBA-në, duke mos e hequr tarifën 100 për qind për mallrat nga Serbia dhe Bosnjë Hercegovina.

Më 20 mars, Kurti mori vendim për heqjen e tarifës për lëndën e parë për Serbinë dhe Bosnjë e Hercegovinës, megjithëse LDK nuk u tërhoq nga mocioni i mosbesimit edhe pas këtij vendimi.

Megjithatë, fitorja e Lëvizjes Vetëvendosje në Kosovë pritet të ketë impakt edhe në Shqipëri, ku kjo forcë politike garon në disa qarqe.

Nga ana tjetër, ndërsa Shqipëria pret pas dy muajsh të mbajë zgjedhjet e radhës parlamentare, deri tani ka treguar se ka qenë larg këtyre principeve.

Zgjedhjet e fundit ishin vendoret në 2019-ën, ku për shkak se opozita e bashkuar vendosi t’i bojkotojë ato, PS shkoi e vetme në zgjedhje, duke u ofruar votuesve vetëm një mundësi zgjedhje, kandidatin/en e PS, të cilët rezultuan automatikisht fitues (përveç Shkodrës).

Politika shqiptare e përgëzoi Kosovën për zgjedhjet, duke i cilësuara si ‘shembullore’, megjithatë mbetet për t’u parë nëse e kanë përkthyer si leksion për zgjedhjet e ardhshme në vend.  

Ditari politik

Të fundit