Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

15 plumba drejt Demir Backës, detaje të reja nga atentati në Fier: Kishin konflikt se i kishin ngacmuar mbesën

Politiko 24 Tetor 2021, 08:29

15 plumba drejt Demir Backës, detaje të reja nga atentati në

Detaje të reja janë zbardhur ne lidhje me ngjarjen e rëndë të shënuar mbrëmjen e djeshme në Fier, ku një 57-vjeçar ndërroi jetë. Demir Backa ose siç njihej ndryshe (Dem  se Agim) Backa, ishte në makinën e tij tip “Audi”, kur një makinë tjetër u afrua pranë tij dhe zbrazën karikatorin e kallashnikovit.

Është bërë me dije se ai është qëlluar 15 herë, i cili ndërroi jetë disa orë më pas nga plumbat e marrë.

Burime për mediat kanë bërë me dije se fisi Backa është me origjinë nga Kosova, por që prej vitesh jetojnë në Fier dhe se janë një nga tre më të pasurit në këtë qytet. Mësohet se një vit më parë fisi Backa ka pasur një konflikt me një grup nga Tirana. Shkak i konfliktit ishte bërë se njëri nga biznesmenët në Tiranë, kishte ngacmuar mbesën e Demir Backës.

Nuk dihet nëse përplasja e ndodhur më parë ka ndonjë lidhje me ngjarjen e ndodhur mbrëmë.

Kujtojmë që 57 vjeçari është vëllai i ish-anëtarit të Bandës së Pusit të MEzinit, Medi Backës, i cili njihej edhe si “Buç Backa”, i vrarë në 28 mars të vitit 1997 në masakrën e Levanit, së bashku me 23 persona të tjerë, 17 shqiptarë dhe 6 romë.

Të quajtur me nofkën “Të fortët e Jugut”, kjo bandë kishte si rivale kryesore Bandën e Çoles të drejtuar nga Zani Çaushi.

Viktima ishte pronar i “Bar Piazza” në qendër të qytetit dhe i një hoteli në Sarandë.

Ende nuk dihen motivet e ekzekutimit të Demir Backës, ndërkohë që në fshatin Daullas është gjetur e djegur një makinë, e cila dyshohet se u përket autorëve. Policia po vijon punën për identifikimin dhe kapjen e tyre, teksa janë sekuestruar edhe kamerat e bizneseve afër vendit ku u ekzekutua 57 vjeçari.

 

Të fundit