Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Bllako rezultonte ‘i zhdukur’ deri në 23:00, gazetarja: Policia dha një gjysmë të vërtetë, mungon ora e dorëzimit

Politiko 1 Prill 2022, 10:48

Bllako rezultonte ‘i zhdukur’ deri në 23:00, gazetarja: Policia

Hetimi mbi aferën e inceneratorëve nxori si të përfshirë edhe Alqi Bllakon, ish-deputetin socialist i cili dorëzoi mandatin dy ditë ë parë. SPAK kërkoi autorizim nga Kuvendi pasi GJKKO caktoi masën “Arrest me burg” për Bllakon.

Teksa u raportua se rreth mesditës së djeshme, Bllako ishte vetëdorëzuar në polici, nga ana e bluve nuk kishte ende një njoftim zyrtar mbi arrestimin e ish-deputetit. Në mbrëmje, mediet raportuan se kishte dyshime se Bllako mund të ishte arratisur, pasi policia nuk e kishte gjetur në banesë gjatë kontrollit.

Gazetarja Klodiana Lala ka dhënë detaje të reja nga çështja e arrestimit të Bllakos. Lala thotë se policia ka raportuar një gjysmë të vërtetë për ngjarjen, duke mos dhënë një orë se kur Bllako i është vetëdorëzuar policisë.

Sipas gazetares, rreth orës 17:43 kur GJKKO në një njoftim të dytë nuk pranoi të deklaronte masën e sigurisë për Bllakon me argumentin se vendimi ishte marrë në dhomë këshillimi. Në po të njëjtën orë, policia ka mbërritur për kontroll në banesën e babait të ish-deputetit.

Deri në orën 23:00, thekson Lala, policia nuk kishte asnjë gjurmë nga Alqi Bllako. Duke iu referuar burimeve zyrtare nga policia, gazetarja thotë se Bllako është vetëdorëzuar, por policia nuk jep një orë të saktë.

“Në fakt njoftimi i Policisë së Shtetit është gjysmë i vërtetë dhe hedh mjegullnajë mbi të vërtetën. Në fakt e vërteta është kjo. Është fakt që ditën e djeshme paradite GJKKO njoftoi zyrtarisht se kishte marrë nga SPAK në dorëzim kërkesën për caktimin e masës së sigurisë ‘arrest me burg’ për Alqi Bllakon. Në orën 16:34 GJKKO njoftoi mediat se vendimi i ishte dërguar për ekzekutim Prokurorit të çështjes, por nuk jepte asnjë detaj të mëtejshëm. Në orën 17:43 GJKKO dërgon një njoftim të dytë, sipas të cilit pretendon se masa e sigurisë ishte marrë në dhomë këshillimi dhe për këtë arsye nuk mund të deklarohej masa që ishte marrë për ish-deputetin, ndërkohë që gjatë kësaj kohe policia kishte mbërritur në shtëpinë e babait të Alqi Bllakos, shtetasit Edmond Bllako dhe i kishte vënë shiritat sepse një apartament në pronësi të tij, sipas SPAK dyshohet që është apartament i përfituar me anë të ryshfetit nga ana e të birit, për lidhje dhe favorizim të kompanisë së inceneratorëve. Në orën 18:00 Policia e Shtetit me burime zyrtare konfirmoi faktin se kishte marrë në dorëzim urdhrin e Prokurorit për arrestimin e Alqi Bllakos dhe deri në orën 23:00 Policia e Shtetit nuk kishte arritur të gjente ish-deputetin socialist. Njoftimi i Policisë së Shtetit thotë të vërtetën që Alqi Bllako është vetëdorëzuar, por nuk jep orarin në të cilin është vetëdorëzuar dhe gënjen kur thotë se media thotë të pavërteta. Media i është referuar të gjitha burimeve zyrtare, pas qëndrimit gjatë gjithë ditës kishte qëndruar në pritje të arrestimit të Bllakos. Policia mund të bënte transparencë dhe të shuante çdo dyshim për arrestimin e ish-deputetit të PS”, raportoi Lala.