Flash News

Rama sulmon mediat ndërkombëtare: Pse e bëni një protestë me 2 mijë vetë kaq dramatike

Shpërthen protestuesi që vuan nga kanceri: Onkologjiku, Aushvic në mes të Tiranës

Europarlamentari paralajmëron: Nëse Shqipëria ngel jashtë BE-së, do të jeni në duart e Kinës e Rusisë

Europarlamentari: Të gjithë janë pro Shqipërisë në BE, por a mund të kemi Ramën në Këshillin Europian?

Aksident në aksin Pogradec–Qafë Thanë, dy të plagosur

E-TJERA

Të zhdukur prej dy ditësh, detaje të reja nga ekzekutimi i dy vëllezërve në Maliq; rreth 30 të shoqëruar në polici

Politiko 10 Dhjetor 2020, 15:09
Të zhdukur prej dy ditësh, detaje të reja nga ekzekutimi i dy
Në foto: Andi dhe Martin Olldashi, 33 vjeç dhe 31 vjeç

Detaje të reja dalin në dritë rreth ngjarjes së rëndë, ku dy vëllezërit Andi dhe Martin Olldashi, 33 vjeç dhe 31 vjeç, banues në Pogradec, u gjetën të vrarë me armë në Maliq të Korçës.

Mësohet se, policia ka shoqëruar deri më tani afërsisht 30 persona drejt Komisariatit të Policisë.

Dy vëllezërit ishin larguar nga shtëpia e tyre prej datës 7 dhjetor, ndërsa janë gjetur të pajetë në afërsi të vendit të quajtur “Kisha e vogël”, në fshatin Zvirinë të Maliqit.

Sipas të dhënave paraprake, rezulton se vëllezërit, Andrea dhe Martin Olldashi, janë persona të dënuar më parë për vjedhje dhe tentativë për prodhim e shitje narkotikësh.   

Po ashtu ata kishin precedentë në fushën e gjobëvënieve, kryesisht ndaj bizneseve dhe nëse këta të fundit nuk paguanin kërcënoheshin apo organizonin atentate me eksploziv. Një rast i tillë është faktuar në 2012 ndaj biznesit të 57-vjeçarit, Gjergj Leka në Korçë.

Nuk dihen ende shkaqet dhe rrethanat e plota të ngjarjes, ndërkaq policia po heton për zbardhjen e detajeve.

"Më datë 10.12.2020, rreth orës 11:50, në fshatin Zvirinë, në afërsi të vendit të quajtur “Kisha e vogël”, janë gjetur të pajetë, trupat e vëllezërve A. O., 33 vjeç dhe M. O., 31 vjeç, banues në Pogradec, të cilët dyshohet të kenë humbur jetën si pasojë e përdorimit të armës së zjarrit. Këta shtetas, ishin larguar nga banesa e tyre që prej mbrëmjes së datës 07.12.2020.

Në lidhje me këtë ngjarje menjëherë është ngritur një grup i posaçëm hetimor, me ekspertët më të mirë të Policisë Kriminale të strukturave hetimore në Drejtorinë Vendore të Policisë Korçë, nën drejtimin e Prokurorisë të Rrethit Gjyqësor Korçë.

Forcat Operacionale të DVP Korçë, në bashkëpunim me Komisariatin e Policisë Maliq, janë duke krehur zonën, gjithashtu janë shoqëruar në Polici disa persona për t’u marrë në pyetje nëse kanë dijeni apo jo në lidhje me këtë ngjarje.

Po ndiqet itinerari i lëvizjeve dhe po kryhen një sërë veprimesh hetimore për sqarimin e plotë të rrethanave të kësaj ngjarjeje si edhe kapjen e vënien përpara përgjegjësisë ligjore të autorëve”, raportoi më herët policia.

Të fundit