Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

“Do t’ua nxij jetën”/ FSHF publikon audio-përgjimin e Veliajt, presion për zgjedhjet: Nuk jemi ku**a

Politiko 24 Janar 2022, 13:23

“Do t’ua nxij jetën”/ FSHF publikon audio-përgjimin

Federata Shqiptare e Futbollit (FSHF) ka publikuar një audio-përgjim të kryebashkiakut të Tiranës, Erjon Veliaj, ku gjatë një takimi me disa anëtarë të komunitetit të futbollit dhe Shoqatës Rajonale Tiranë, ka përdorur një fjalor të papërshtatshëm.

Ka qenë zyrtari i FSHF-së, Andi Verçani, i cili ka cituar disa nga deklaratat e Veliajt ku është përdorur edhe një fjalor i rëndë, me fyerje e sharje drejtuar edhe njërit prej të pranishmëve, kryetarit të Shoqatës Rajonale të Futbollit në Tiranë Sulejman Mema.

Verçani e ka cilësuar një fjalor rrugaçi, të folurën e kryebashkiakut të Tiranës gjatë takimit duke cituar disa nga fjalët që ai ka përmendur dhe me të cilat iu është drejtuar përfaqësuesve.

“Përpara se t’iu vendos edhe materialin audio në dispozicion, dua t’iu them që i gjithë materiali ka fraza shumë të rënda, që ato që janë live nuk e di si mund ta fshehin, sepse nuk është fjalori im po i kryetarit të Bashkisë së Tiranës. Fjalori i një rrugaçi dhe një të fortë lagjeje”, tha Verçani.

“Jo UEFA dhe FIFA të zbresin, por Jezusi dhe Muhamedi të zbresin nuk e ndalin dot luftën time. Unë do të bëj çdo gjë për t’ia nxirë jetën këtyre me Prokurori edhe SPAK. Tani edhe të duam të tërhiqemi nuk tërhiqemi dot, sepse prokuroria është vënë në lëvizje. Futbolli është i vetmi ishull që na ka mbetur pa vënë nën kontroll. Po mir mor Sul, që qesh me mua. Si mund të presi robi ko**t dhe të sillet si rro*ë k**i. Ne jemi burra nuk jemi ku***a”, citon Verçani.

“Jam kryetar bashkie dua ta kontrolloj unë futbollin. Shtëpinë time. Futbolli është një nga dhomat e shtëpisë time. Ju do të, mbështesin në bllok Eduard Prodanin”, thotë ndër të tjera gjatë bisedës Veliaj.

Kujtojmë se një ditë më parë, Bashkia e Tiranës njoftoi se do të kërkojë hetim kombëtar dhe ndërkombëtar për kreun e FSH-së Armand Dukën, për korrupsionin dhe shkeljet e kryera gjatë karrierës së tij 20-vjeçare në FSHF.

 

Të fundit