Flash News

Dhunoi për vdekje Egli Progën, Apeli lë në burg Denis Meçen

Policia apel qytetarëve: Kujdes nga aplikacioni “PLINKO”, skemë mashtrimi

Qeveria bën gati kompleksin e kullave për administratën

SPAK nis hetimet ndaj oficeres së policisë, mori 1 mijë euro ryshfet për të pushuar një çështje penale

Hetimi i SPAK për identifikimin biometrik, Celibashi: Kam zero shqetësim

E-TJERA

Jo vetëm në Shqipëri, Charles McGonigal udhëtoi edhe në Kosovë. Kush është politikani që takoi atje

Politiko 24 Janar 2023, 18:35

Jo vetëm në Shqipëri, Charles McGonigal udhëtoi edhe në

Zbardhen detaje të reja nga dosja me provat e prokurorisë amerikane për Charles McGonigal, ish-shefi i kundërzbulimit të FBI-së.

Në dosje thuhet se ish-zyrtari i FBI-së ka udhëtuar nga Shqipëria për në Kosovë, ku është një politikani kosovar.

Në dosje nuk identifikohet se për cilin politikan bëhet fjalë lidhur me takimin e zhvilluar në shtator të 2017-ës.

“24. Më datë 10 shtator 2017, i pandehuri McGonigal ka udhëtuar me makinë nga Shqipëria për në Kosovë, bashkë me Personin A dhe të tjerë, ku i pandehuri McGonigal u takua me dhe i dha mjetet e FBI-së një politikani kosovar. Menjëherë pas këtij udhëtimi në Kosovë, i pandehuri McGonigal dhe personi A, duke udhëtuar së bashku, janë kthyer në Shtetet e Bashkuara”, thuhet në dosje.

McGonigal  akuzohet se ka përfituar shuma të mëdha parash nga një oligark rus dhe nga një shqiptar, si dhe ka përfituar udhëtime me shpenzime të mbuluara në Tiranë, Kosovë dhe Bosnjë, shpenzime që duket se janë mbuluar nga një shqiptar, ndërsa takimet me Ramën duket se janë organizuar nga një shqiptar tjetër, i cili përshkruhet si “këshilltar joformal” i Ramës.

Në dosje shkruhet se ish zyrtari amerikan ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, por që sipas kryedemokratit Sali Berisha janë Dorian Duçka dhe Agron Neza.

 

 

 

 

Të fundit