Flash News

Lobimi/ Sqaron Celibashi: PD s’ka asnjë detyrim të depozitojë dokumente

Fushata anti-amerikane e Edi Ramës

SPAK nis hetim për takimet e ish-shefit të Rrugores, merr në pyetje dy shefa komisariatesh

Zbardhet pas 7 vitesh krimi në Voskopojë, Antonio Karafili nuk u vetëvar, lëshohet urdhër arrest për ish të dashurën

Po kalonte trafikndarësen, përplaset për vdekje këmbësori pranë ish-sheshit “Shqiponja”

E-TJERA

Mori 6 refugjatë në kufi me Greqinë e do i çonte në Mal të Zi, arrestohet siriani në Devoll

Politiko 29 Prill 2025, 09:57

Mori 6 refugjatë në kufi me Greqinë e do i çonte në

Policia për Kufirin dhe Migracionin në Korçë ka goditur një tentativë për kalim të kufirit në mënyrë të paligjshme.

Si rezultat, është kapur një sirian, i cili akuzohet se organizonte dhe zhvillonte veprimtarinë e dhënies ndihmë për kalimin të kufirit në mënyrë të paligjshme kundrejt fitimit.

Ai ndihmonte emigrantët nga Vendet e Treta, që të kalonin ilegalisht kufirin jeshil me Greqinë, me qëllim kalimin në Mal të Zi dhe më pas në vendet e BE-së.

Më konkretisht, në kuadër të operacionit të koduar “Lugina 2” është vënë në pranga shtetasi M. H., 18 vjeç, mbi të cilin rëndon akuza për veprën penale “Ndihma për kalim të paligjshëm të kufijve”.

Autoritetet policore raportojnë se 18-vjeçari sirian është kapur gjatë natës, në fshatin Vidohovë, duke shoqëruar 6 shtetas egjiptianë dhe sirianë (4 prej të cilëve ishin të mitur).

“Nga hetimet e thelluara të kryera prej disa muajsh rezulton se ky shtetas e ka kryer disa herë këtë veprimtari kriminale, më parë, por emigrantët janë kapur nga shërbimet policore, në tentativë për të kaluar drejt Malit të Zi.” – njofton Policia.

Autoritetet thonë se vijojnë hetimet për dokumentimin e plotë të kësaj veprimtarie kriminale, si dhe për identifikimin dhe kapjen e shtetasve të tjerë të përfshirë.

Materialet procedurale i kanë kaluar Prokurorisë së Korçës për veprime të mëtejshme.

Të fundit