Flash News
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Në Shqipëri do të privohen, Rama “harron” Kosovën dhe Maqedoninë e Veriut; si votuan të infektuarit me Covid-19
Kryeministri Edi Rama hodhi poshtë mundësinë e votimit në 25 prill nga personat e infektuar dhe të karantinuar nga Covid-19.
Kjo përgjigje e prerë, erdhi gjatë konferencës për shtyp kryeministri pasi u pyet nga gazetarët se si do të veprohet me personat e prekur nga Covid-19 pas dy muajsh.
Rama tha se do të veprojnë si të gjitha vendet e tjera dhe se personat që rezultojnë pozitiv me virus do të qëndrojnë në shtëpi dhe nuk do të votojnë.
“Do bëjmë të njëjtën gjë që kanë bërë vendet e tjera. Për ata të cilët janë të testuar pozitiv dhe nuk janë negativizuar duhet të qëndrojnë në shtëpi.
E kemi parë këtë, është i vërtetë shqetësim dhe kjo është gjëja që kanë bërë vendet e tjera. Janë të parët njerëzit që duhet të marrin përgjegjësinë për këtë.
Nuk ka pasur për fat të mirë të dhëna shqetësuese post-elektorale në aspektin e influencës së shëndetit. Nuk ka pasur rritje të numrit të infektimeve. Këtë e kemi parë me shumë kujdes”, tha Rama.
Ndërsa kryeministri i referohet disa vendeve për këtë vendim, le të kujtojmë jo shumë larg, por në kufi me Shqipërinë se si i zhvilluan zgjedhjet në periudhë pandemie.
Bëhet fjalë për Kosovën në 14 shkurt të këtij viti dhe Maqedoninë e Veriut në korrik të vitit të shkuar.
Ashtu siç pritet në Shqipëri, të dyja vendet fqinje i zhvilluan zgjedhjet në periudhë pandemie, dhe personat e infektuar nuk u privuan nga e drejta e tyre për të votuar.
Si u zhvillua votimi?
Kosova dhe Maqedonia e Veriut, dy vendet fqinje të vendit tonë në zgjedhjet që zhvilluan zgjodhën të njëjtën metodikë.
Të gjithë të infektuarit e karantinuar, procesin e votimit e kryen nga shtëpitë e tyre me ndihmën e ekipeve të specializuara nën masa të rrepta sigurie.
Në Kosovë, si model, Komisionit Qendror të Zgjedhjeve, i shërbeu praktika në zgjedhjet lokale të mbajtura në nëntor të vitit që kaloi në Podujevë e Mitrovicë të Veriut.
Ndërkohë në Maqedoninë e Veriut zgjedhjet u zhvilluan për tri ditë rresht, ndërsa personat e karantinuar votuan ditën e parë.
Në Maqedoninë e Veriut filloi votimi që nga ora 7:00 e mëngjesit, dita e parë e procesit zgjedhor ku votuan personat e infektuar me COVID-19 dhe të vetizoluarit.
Procesi i votimit u krye nga shtëpitë e këtyre personave me ndihmën e ekipit të specializuar nën masa të rrepta sigurie.
Sipas mediave në rajon, ekspertët në këtë fushë iu referuan praktikave të vendeve që tanimë kishin realizuar zgjedhjet në kushte të pandemisë
Kjo pyetje u ngrit edhe në Shqipëri pak javë më parë në Komisionin për Çështjet Ligjore.
Zv.ministrja Mira Rakacolli, e pranishme në komision tha se nuk ishte marrë në shqyrtim kjo çështje, ndërsa vendi shkonte në zgjedhje pas rreth dy muajsh.
Aktualisht, sipas ministrisë së Shëndetësisë janë aktivë 35,815 persona.