Video/ Të shtrirë përtokë me armët gati për qitje, si u arrestua vëllai i të dënuarit përjetë në Vlorë

Santiljano Basho u arrestua mbrëmjen e djeshme në qytetin e Vlorës gjatë një operacioni bli nga Policia e Shtetit dhe RENEA, ku ranë në pranga 5 persona.

Basho është arrestuar për veprën penale "Mbajtja pa leje dhe prodhimi i armëve, armëve shpërthyese dhe i municionit". Santiljano është vëllai i Tesilvan ose Tesi Basho ka qenë një nga njerëzit më të kërkuar në Itali për vrasjen e dy prostitutave dhe i dënuar me burgim të përjetshëm në nëntor të 2016 nga gjykata e Torinos.

Gjatë operacionit janë sekuestruar me 2 armë zjarri pistoleta, municion luftarak, 3 automjete, 2600 euro dhe 8 celularë.

Të arrestuarit:

-S. B., 37 vjeç, banues në Vlorë, për veprën penale "Mbajtja pa leje dhe prodhimi i armëve, armëve shpërthyese dhe i municionit";

-M. A., 33 vjeç, banues në Vlorë, për veprën penale "Mbajtja pa leje dhe prodhimi i armëve, armëve shpërthyese dhe i municionit";

-B. Sh., 29 vjeç, banues në Vlorë, për veprën penale "Moskallëzimi i krimit";

-M. H., 27 vjeç, banues në Vlorë, për veprën penale "Moskallëzimi i krimit";

-B. Xh., 29 vjeç, banues në Vlorë, për veprën penale "Moskallëzimi i krimit";

-K. M., 28 vjeç, banues në Vlorë, për veprën penale "Moskallëzimi i krimit".